«Қазақстан – туған елім, ұлы өлкем» атты ашық тәрбие сағаты

25 қазан – Республика күніне орай Әл-Фараби атындағы Қазақ ұлттық университеті, Жоғары оқу орнына дейінгі білім беру факультеті, ЖОО-ға дейінгі дайындық кафедрасының ұйымдастыруымен «Қазақстан – туған елім, ұлы өлкем» атты ашық тәрбие сағаты өткізілді.
Іс-шараның мақсаты – жастардың бойында отансүйгіштік пен елжандылық сезімін қалыптастыру, ұлттық құндылықтар мен тарихи мұраға құрметті арттыру болды. Тыңдаушылар қабырға газетіне өз алақан іздерін қалдырып, атақонысына деген сүйіспеншіліктерін білдірді. Сонымен қатар, іс-шара әуезді күй мен бейнелеу өнері арқылы рухани бірлік пен ұлттық рухты дәріптеді.
Бұл тағылымды тәрбие сағаты жастарды ел игілігі жолында адал еңбек етуге, бейбітшілік пен бірлікті сақтауға үндеді.