Студенттердің «Қазақстан Республикасының Ұлттық Банкінің Ұлттық төлем корпорациясы» АҚ өкілдерімен кездесуі

Экономика және бизнес жоғары мектебінде 1–2 курс студенттерінің «Қазақстан Республикасының Ұлттық Банкінің Ұлттық төлем корпорациясы» АҚ (https://www.nationalbank.kz/ru) өкілдерімен кездесуі өтті.

Кездесуге сондай-ақ Қазақстан Республикасының Ұлттық Банкінің Антифрод орталығы (https://npck.kz/antifrod-tsentr/), Қаржы нарығын реттеу және дамыту агенттігі (https://www.gov.kz/memleket/entities/ardfm), Ішкі істер министрлігінің Киберқылмысқа қарсы іс-қимыл департаменті (https://www.gov.kz/memleket/entities/qriim/press/news/details/876890?lang=ru) және Home Credit Bank (https://home.kz/) өкілдері қатысты.

Кездесу барысында цифрлық гигиена мен қаржылық қауіпсіздік мәселелеріне, сондай-ақ жеке деректерді қорғау және цифрлық ортада алаяқтықтың алдын алу жолдарына ерекше назар аударылды.

Студенттер өздерінің цифрлық сауаттылығын арттыру мен ақпараттық қауіпсіздігін қамтамасыз ету бойынша пайдалы кеңестер алып, сарапшыларға өз сұрақтарын қою мүмкіндігіне ие болды.

Бұл кездесу жастар арасында кибергигиена мен цифрлық қауіпсіздік саласында базалық білім қалыптастыруға бағытталған бірлескен білім беру бастамаларының маңызды қадамы болды.

Біз «Қазақстан Республикасының Ұлттық Банкінің Ұлттық төлем корпорациясы» АҚ (https://npck.kz/) өкілдеріне ынтымақтастықтары үшін алғыс білдіреміз.