Тұрақты даму мүддесіндегі серіктестік аясында Шығыстану факультетінде "Үндістан мен Қазақстан арасындағы байланысы" атты ғылыми семинар өткізілдіFarabi University

Тұрақты даму мүддесіндегі серіктестік аясында Шығыстану факультетінде "Үндістан мен Қазақстан арасындағы байланысы" атты ғылыми семинар өткізілді

27 қазан, 2025

Шығыстану факультетінде тұрақты даму мүддесіндегі серіктестік аясында «Multidimensional Perspectives on the Dynamics of India–Kazakhstan Bilateral Relations» (Үндістан мен Қазақстан арасындағы байланысты жан-жақты талдау) атты ғылыми семинары өткізілді.

Семинарды Джавахарлал Неру университеті (JNU, Нью-Дели, Үндістан) Халықаралық зерттеулер факультетінің PhD докторанты Индэрджит (Inderjeet) жүргізді. Іс-шара барысында Үндістан мен Қазақстанның қазіргі саяси, экономикалық және мәдени ынтымақтастығы, сондай-ақ екі ел арасындағы болашақ серіктестік бағыттары талқыланды. Семинарға оқытушылар, докторанттар мен магистранттар қатысып, өз ой-пікірлерін ортаға салып, ғылыми пікір алмасу жүргізді. Таяу Шығыс және Оңтүстік Азия кафедрасының профессоры т.ғ.д. Л.Г. Ерекешева жас ғалымның ҚазҰУ-де жүргізген екі апталық ғылыми-зерттеу жұмысымен танысып, оған арнайы сертификат табыстады. Кездесу Үндістан мен Қазақстан арасындағы өзара түсіністік пен академиялық байланыстарды дамытуға үлес қосты.