ТМД 8. Лайықты еңбек және экономикалық өсу

Механика-математика факультетінің «Актуарлық математика» мамандығының 2-курс студенттері «Лайықты еңбек және экономикалық өсу» тақырыбында оқу сабағын өткізді. Топтарға бөлінген студенттер лайықты еңбектің мәні мен оның адамның өмір сүру сапасына әсері туралы айтты.

Өз баяндамаларында студенттер халықтың жалақы деңгейі мен экономикалық өсудің күнделікті өмірге ықпалы сияқты мәселелерді қарастырды. Олар жалақының өсуі әрдайым өмір сүру сапасын жақсартпайтынын атап өтті, себебі экономикалық өсім көбінесе азық-түлікке, киім-кешекке және басқа да тауарларға бағаның көтерілуімен қатар жүреді.

Қатысушылар мамандық бойынша жұмысқа орналасу мәселесіне ерекше назар аударды. Олар түлектердің жиі жұмыс орындарының тапшылығына байланысты өз мамандығы бойынша жұмыс істей алмайтынын атап өтті. Сонымен қатар студенттер шағын қаржылық салыммен жеке кәсіп бастау жолдарын көрсетіп, өз бизнес-жобаларын ұсынды.

Сабақ қызықты әрі танымдық сипатта өтті. Ол студенттерге лайықты өмір сүру деңгейін қамтамасыз ететін, негізгі қажеттіліктерді қанағаттандырып, болашақта қаржылық тұрақтылыққа қол жеткізуге мүмкіндік беретін бизнесті қалай құруға болатыны жайлы ой салды.

Оқытушы: Амантай Т.К.