Қиыр Шығыс кафедрасының студенттері Корея мен Қазақстан қарым-қатынасына арналған семинарда баяндама жасады

2025 жылдың 10 қарашасында Алматы қаласындағы «Қазақстан» қонақ үйінде «Кореяның даму тарихы және Қазақстан–Корея қатынастары» тақырыбында семинар өтті. Іс-шараны Корея Республикасының Бас консулдығы ұйымдастырды. Семинардың мақсаты — екі ел арасындағы достық қатынастарды нығайту және жастардың Корея мен Қазақстан арасындағы мәдени, әлеуметтік және экономикалық ынтымақтастыққа деген қызығушылығын арттыру болды.

Семинарға біздің студенттермен қатар Абылай хан атындағы Қазақ халықаралық қатынастар және әлем тілдері университеті мен Абай атындағы Қазақ ұлттық педагогикалық университетінің корей бөлімдерінің студенттері де қатысты.

Әл-Фараби атындағы Қазақ ұлттық университеті, Шығыстану факультетінің Қиыр Шығыс кафедрасының 4-курс студенттері «Корея асханасының жаһандану үрдісі және аспаздық дәстүрлер алмасуы: Корея мен Қазақстанның тағам мәдениетіне салыстырмалы талдау» және «Халлюдан кейінгі ұрпақ: Z буынының Корея мен Қазақстан арасындағы жаңа қатынастарға көзқарасы» тақырыптарында баяндама жасады. Студенттердің баяндамалары қатысушылардың зор қызығушылығын тудырып, екі ел арасындағы өзара іс-қимылдың заманауи қырлары бойынша белсенді пікір алмасуға себеп болды.

Іс-шараға Қиыр Шығыс кафедрасының меңгерушісі Абаган А. Б. және корей бөлімінің аға оқытушысы Пак Т. Н. қатысып, студенттердің жоғары дайындық деңгейін атап өтіп, жастарды халықаралық академиялық және мәдени байланыстарды дамытуға тартудың маңыздылығын ерекше атап өтті.

Семинар жылы және достық атмосферада өтіп, ашық пікір алмасуға мүмкіндік берді. Корея Республикасының Бас консулдығының өкілдері қатысушыларға алғыстарын білдіріп, мұндай мәдени және ғылыми кездесулердің Корея мен Қазақстан арасындағы ынтымақтастықты одан әрі нығайтудағы маңыздылығын атап өтті.