«Шығысты оқы, таңырқа!» дәрісі Семейде өтті

2025 жылдың 7 қарашасында Қытайтану кафедрасының оқу-әдістемелік және тәрбие жұмысы жөніндегі орынбасары Ержан Керімбаев Семей қаласында дәріс өткізді. Кафедраның кәсіби бағдар беру жұмыстарының жоспары аясында ұйымдастырылған бұл шара үлкен қызығушылық тудырды.

«Шығысты оқы, таңырқа!» атты дәріс Әлихан Бөкейхан университетінде өтті. Іс-шара барысында шығыстану мамандығының қалыптасу тарихы, қазіргі жағдайы мен болашағы, сондай-ақ факультеттің даму кезеңдері туралы кеңінен баяндалды. Сонымен қатар кафедраның білім беру бағдарламалары мен үш сатылы оқу үдерісі жөнінде толық ақпарат берілді.

Семей қаласындағы оқу орындарының студенттері мен түрлі оқырман клубтарының өкілдері дәріске ерекше қызығушылық танытты. Дәріс соңында қатысушылар тарапынан көптеген сұрақтар қойылып, Ержан Әбдірайымұлы оларға жан-жақты әрі мазмұнды жауап берді.