8D05112 – Экологиялық биоинженерия мамандығының 3-курс докторанты Балық шаруашылығы ғылыми-өндірістік орталығының ихтиология зертханасының ғылыми қызметкері Пангереев Берік Сырымбайұлы Вильнюс қаласы (Литва) «Табиғатты зерттеу орталығы» Мемлекеттік ғылыми-зерттеу институтында ғылыми тағылымдамадан өтуде

Әл-Фараби атындағы ҚазҰУ биология және биотехнология факультетінің биотехнология кафедрасының 8D05112 – Экологиялық биоинженерия мамандығының 3-курс докторанты, Балық шаруашылығы ғылыми-өндірістік орталығының ихтиология зертханасының ғылыми қызметкері Пангереев Берік Сырымбайұлы Вильнюс қаласы (Литва) «Табиғатты зерттеу орталығы» Мемлекеттік ғылыми-зерттеу институтында, гидробионттардың эволюциялық экологиясы зертханасында ғылыми тағылымдамадан өтуде.  

Берік Сырымбайұлы Пангереев тағылымдама аясында генетикалық зерттеулер жүргізеді, оның ішінде амфипода түрлерінің әртүрлілігін анықтау, ДНҚ секвенирлеу, ПТР тестілеу, COI (цитохром с оксидаза гені), ДНҚ экстракция әдістері, гельдік электрофорез. Ол сондай-ақ гидробионттарды тереңірек түсіну мен жіктеудің маңызды құралы болып табылатын морфологиялық белгілерге негізделген түрлерді анықтау әдістерін үйренуде.

Бұл зерттеу ғылым үшін үлкен маңызға ие, өйткені Қазақстанда әлі күнге дейін амфиподтардың толық генетикалық деректері жоқ, бұл оларды зерттеу саласындағы әліде аз зерттелгенді білдіреді. Тағылымдамадан өткен жұмыстар экология мен эволюциялық биологияны одан әрі зерттеу үшін құнды ақпарат бере отырып толықтырады. Бұл зерттеулердің нәтижелері отандық ғылымның дамуына және халықаралық ғылыми ынтымақтастықты нығайтуға айтарлықтай әсер етеді.

Әрі қарайғы зерттеулер амфиподтар экологиясын және олардың эволюциялық тарихын тереңірек түсінуге бағытталған, бұл экожүйелердің өзгеруіне осы организмдердің бейімделу механизмдерін ашуға және жалпы экожүйелердің тұрақтылығын жақсартуға көмектеседі.

Тағылымдаманы аға ғылыми қызметкер Денис Копилас-Циочиану жүргізіп жатыр, бұл Берік Сырымбайұлы Пангереевтің ғылыми және академиялық байланыстарын нығайтуға және ғылыми жұмысын одан әрі дамытуға ықпал етеді.