Тұрақты болашаққа апарар жол – жаңартылатын энергия көздерін пайдалану

       2025 жылғы 10 қарашада Фараби атындағы Қазақ ұлттық университетінің филология факультетінің «Шетел филологиясы» мамандығының 2-курс студенттері БҰҰ-ның Тұрақты даму мақсаты 7 – «Қолжетімді және таза энергия» бағыты аясында іс-шара өткізді.
         Іс-шара Алматы қаласындағы Ботаникалық бақта өтті. Онда студенттер табиғи ресурстарды ұтымды пайдалану мен жаңартылатын энергия көздерінің қоршаған ортаны қорғаудағы маңызын талқылады.

         Кездесу барысында қатысушылар күн, жел және су энергиясы сияқты экологиялық таза көздердің артықшылықтарын атап өтті. Сондай-ақ энергияны шамадан тыс тұтыну мәселесі мен жастар арасында энергия үнемдеу мәдениетін қалыптастырудың қажеттілігіне ерекше назар аударылды. Студенттер қазіргі таңда ресурстарға ұқыпты қарау - болашақ ұрпақтың өмір сапасын айқындайтынын атап өтті.

         Сонымен қатар қатысушылар заманауи технологиялардың көміртек ізі деңгейін төмендетудегі рөлін талқылады. Қазақстан мен шетелдегі баламалы энергия көздерін дамытуға бағытталған табысты жобалар мысалға келтірілді. Талқылаудан кейін студенттер университет инфрақұрылымында жаңартылатын энергия көздерін енгізу мүмкіндіктері туралы шағын таныстырылымдар дайындады.

         Іс-шара студенттердің экологиялық ойлауын қалыптастыруға және энергияны ұтымды пайдалану бойынша жеке жауапкершілігін арттыруға ықпал етті. Қатысушылар қарапайым күнделікті әрекеттердің - артық жарықты сөндіру, энергия үнемдейтін шамдарды пайдалану және тұрмыстық энергия шығынын азайту - ғаламдық деңгейде үлкен маңызға ие болатынын атап өтті.

         Фараби атындағы ҚазҰУ тұрақты даму идеяларын ілгерілетуге бағытталған студенттік бастамаларды үнемі қолдайды. Университет экологиялық білім беруге және қоршаған ортаға жауапты көзқарасты қалыптастыруға бағытталған жобаларды жүзеге асыру үшін барлық жағдай жасайды.

        Өткізілген іс-шара студенттердің экологиялық мәдениетін арттыруға және жаңартылатын энергия көздерінің болашақтағы рөлі туралы түсінігін кеңейтуге зор үлес қосты.

Шетел филологиясы және аударма ісі кафедрасының аға оқытушылары Аушенова А.С., Таирова Г.А.