әл-Фараби атындағы ҚазҰУ — ҚазҰУ

Әл-Фараби атындағы Қазақ ұлттық университеті қызметкерлерінің «Парасат» жергілікті кәсіптік одағы

Ұжымдық шарт
Файлды ашу
ҚазҰУ Жарғысы
Файлды ашу

ЖИІ ҚОЙЫЛАТЫН СҰРАҚТАР

Сұрақ: Еңбек шартын тоқтатуды рәсімдеу қалай іске асырылады?

Жауап: еңбек шартының тоқтатылуы, барлық жағдайларда, ҚР ЕК-не сәйкес келесі талаптарды сақтау тәртібінде іске асырылады: 1) еңбек шартын бұзу туралы бұйрықтың көшірмесімен 3 күн ішінде қызметкер таныстырылуы тиіс. Тікелей таныстыруға мүмкіндік болмаған жағдайда, почталық қызмет арқылы хабарлама қызметкерге жіберілуге тиіс (ҚР ЕК-нің 62-бабының 4-тармағы).

Сұрақ: еңбек шарты бұзылған жағдайда қызметкерге еңбек кітапшасы қалай табыс етіледі, не қандай жағдайда еңбек кітапшасы ұсталынып қалынады?

Жауап: ҚР ЕК-нің 63-бабына сәйкес жұмыс беруші еңбек шарты тоқтатылған күні қызметкерге еңбек кітапшасын беруге міндетті. Егерде еңбек шарты тоқтатылған күні қызметкерге еңбек кітапшасын беру мүмкін болмаған жағдайда, жұмыс беруші, 10 жұмыс күн ішінде қызметкерге еңбек кітапшасын алуға келу туралы пошталық қызмет арқылы хабарламаны жіберуге міндетті.

Сонымен қатар, Қазақстан Республикасы Үкіметінің 2011 жылғы 14 қазандағы № 1167 Қаулысымен бекітілген Еңбек кітапшаларын жүргізу және сақтау туралы Ережесінің 24-тармағының 2-бөлігіне сәйкес, еңбек шарты бұзылған жағдайда, қызметкер еңбек кітапшасын алатын кезде ол кадр бөлімінде арнайы жүргізілетін есепке алу кітабына қолын қояды, өйткені еңбек кітапшасы жеке, персоналды құжат болып саналады.

Аталмыш Ереженің 25-тармағына сәйкес, еңбек шарты тоқтатылған кезде қызметкерлермен алынбаған еңбек кітапшалары ұйымның кадр қызметінде (қалған еңбек кітапшаларынан бөлек) екі жыл бойы сақталады. Көрсетілген мерзім өткеннен кейін талап етілмеген еңбек кітапшалары ұйымның мұрағатында елу жыл бойы сақталады, содан кейін оларды жұмыс беруші жоюға тиіс.

Кәсіподақ мүшелеріне берілетін жеңілдіктер

 

Шипажайда ем алу бойынша жолдамаларға жәрдемақы еңбек өтіліміне қарай төмендегідей жеңілдіктер бойынша төленеді: жолдаманың соммасына қарай 2 жылдан асқан еңбек өтіліміне - 30%, 5 жылдан асқан еңбек өтіліміне - 40%, 10 жылдан асқан еңбек өтіліміне - жолдама құнының 50%. Дотацияны есептеу негізі ретінде "Көктем" шипажайының жолдамаларының орташа құнын аламыз.

Кәсіподақ мүшелерінің медициналық ем алуына байланысты (ерекше ауыр жағдайларда, ота жасатуларына байланысты) қызметкердің еңбек өтіліміне қарай, өтемақылар төленеді. Орташа алғанда өтемақы мөлшері көрсетілетін қызметтер құнының 50% - ын құрайды және  50 000 (елу мың) теңгеден аспауы керек. Кейбір жағдайларда ем алуларына байланысты өтемақы кәсіподақ комитетінің арнайы шешімімен бөлінеді.

Балалардың жазғы лагерьлерге жолдамалары үшін дотациялар жолдаманың орташа құны 70 000 (жетпіс мың) теңгенің 50% -  мөлшерінде есептелінеді, ол 35 000 (отыз бес мың) теңгені құрайды, еңбек өтіліміне және балалар санына қарамастан төленеді. Ерекше жағдайларда (қаржылық жағдайының төмендігіне, көп балалы отбасы) арнайы қарастырылады.

Мерейтой иелерін құттықтауға 60 жасқа- 40 000 (қырық мың) теңге  65, 70, 75 жасқа 25000 (жиырма бес мың) теңге бөлінеді.

Жақындарының (жұбайының, ата – анасының, балаларының) қайтыс болуына байланысты материалдық көмек – 30 000 теңге.

 

Кәсіподақ мүшелеріне берілетін жеңілдіктер

 

Жеңілдіктер

Сомасы, теңге

Шипажайда ем алу бойынша жолдамаларға өтемақы

Еңбек өтілі 2 жылдан жоғары 

Еңбек өтілі 5 жылдан жоғары 

Еңбек өтілі 10 жылдан жоғары 

 

40 000 тг

60 000 тг

80 000 тг

Балалардың жазғы лагерьлерге жолдамалары үшін өтемақы

35 000 тг

Медициналық ем алуға байланысты өтемақы

50 000 тг дейін

Мерей той иелерін құттықтауға

60 жасқа

65- 70- 75 жасқа

 

40 000 тг

25 000 тг

Жақындарының қайтыс болуына байланысты материалдық көмек

30 000

Кәсіподақ комитеті және бюросы

Кәсіподақ комитеті және бюросының төрағалары
Әл-Фараби атындағы ҚазҰУ-нің қызметкерлерінің балаларына арналған жазғы Қазақстанның барлық демалыс лагерьіне баруға мүмкіндігі қарастырылған. Балалардың жазғы лагерьлерге жолдамалары үшін дотациялар жолдаманың орташа құны 70 000 (жетпіс мың) теңгенің 50% - мөлшерінде есептелінеді, ол 35 000 (отыз бес мың) теңгені құрайды, еңбек өтіліміне және балалар санына қарамастан төленеді. Ерекше жағдайларда (қаржылық жағдайының төмендігіне, көп балалы отбасы) арнайы қарастырылады.
Файлды ашу