Білім беру бағдарламасы

Биологияға, медицинаға, биотехнологияға және басқа салаларға арналған қазіргі заманғы жабдықта жұмыс істеу дағдылары мен ғылыми ізденістің қазіргі заманғы әдіснамасын меңгерген биомедицина саласында жоғары білікті бакалаврды дайындау

ОН1. Биологиялық және сабақтас ғылымдар саласында, адам және жануарлар ағзасының құрылымы мен қызметтері, функционалдық жағдайын талдай отырып, жасушалық, ұлпа, мүше, жүйе деңгейінен бастап тұтастай алғанда организмнің өмірлік маңыздылығын онда болатын процестер мен қоршаған ортамен әрекеттесуін түсіну үшін білімдерін тәжірибеде қолдану.
ОН2. Заманауи құралдарды пайдалана отырып, биологиялық және медициналық зерттеулерді жүзеге асыру үшін физика, химия және биомедициналық ғылымдар бойынша білімдерін біріктіріп: диагностикалық бейнелеу жабдықтары, электрокардиографтар, электроэнцефалографтар, гематологиялық және биохимиялық анализаторлар, биомедициналық өлшеу жабдықтары, клиникалық өлшеу жабдықтарын және т.б. қолдана білу.
ОН3. Биомедициналық зерттеу зертханаларында кәсіби аралық/көп салалы топтарда медициналық биохимия, биофизика, нанотехнология, жасуша және тіндерді өсіру әдістерін, жасушаларды, ұлпаларды, мүшелерді және адам және жануарлар ағзасының биохимиялық және физиологиялық көрсеткіштерін қолдана отырып, заманауи биологиялық және медициналық жабдықтарды пайдалана отырып тиімді жұмыс істей білу.
ОН4. Бақылау жүргізу, ақпарат және биологиялық материал жинау, биомедициналық жабдықтарды пайдалана отырып биологиялық жүйелердің мониторингін және стандартты зертханалық сараптамаларды жүргізіп, нәтижелерді құжаттау.
ОН5. Алдын ала диагностика жоспарын құру және ағзаның функционалдық жағдайын бағалау үшін алынған нәтижелерге зертханалық-аспаптық зерттеу әдістері арқылы сараптамаларды талдау.
ОН6. Адам мен жануарлардағы әртүрлі жасуша, ұлпа және мүше құрылымдарының гистофизиологиялық жағдайын бағалай отырып, аспаптық және аппараттық-бағдарламалық құралдарды пайдаланып, ағзаның функционалдық күйін дәрігерге дейінгі аспаптық диагностика жүргізу.
ОН7. Фармацевтикалық көмек көрсету бойынша білімді қолдана отырып, дәрілік препараттардың құрамы, өсімдік препараттары мен дәрілік шөптер, олардың белсенді заттары және қолдану принциптері, дәрілік заттар мен биомедициналық бұйымдардың айналысы саласындағы кәсіби ақпаратты түсіну.
ОН8. Биомедициналық зерттеу әдістерінің техникалық сауатты рәсімдерін орындау, медициналық ұйымдардың бөлмелерін физиологиялық зерттеу әдістерін және медициналық рәсімдерді қолдана отырап, емдеу-диагностикалық, санитарлық-гигиеналық өңдеуді жүзеге асыруды меңгеру.
ОН9. Нормативтік-құқықтық актілерді басшылыққа ала отырып, биоэтика қағидаттарын сақтай отырып, қолданыстағы заңнаманы ескере отырып алған білімдерін практикалық қызметте қолдану; командада жұмыс істеу дағдыларын көрсету; динамикалық тұлғааралық қатынастарды тиімді құру.
ОН10. Технологияның тез дамуына байланысты жеке кәсіби өсуді арттыру үшін IT-технологиялар мен коммуникациялық құзыреттерді пайдалана отырып, өз білімдері мен қабілеттерін ғылыми және кәсіби қызметте қолдана білу