Кадрларды даярлау бағыттары бойынша академиялық комитеттер

1.1.  Осы Ереже «әл- Фараби атындағы Қазақ ұлттық университеті» КЕАҚ (бұдан әрі – Университет) кадрларды даярлау бағыты бойынша Академиялық комитеттің (бұдан әрі – Комитет) негізгі міндеттерді, қызметтерді айқындайды, құрамын, жұмыс тәртібі мен құқықтарын белгілейді.

1.2.  Комитеттің Ережесі «Білім туралы» ҚР Заңының 43-1 бабы 4-тармағының, «Жоғары және жоғары оқу орнынан кейінгі білім берудің мемлекеттік жалпыға міндетті стандарттарын бекіту туралы» ҚР ҒЖБМ 2022 жылғы 20 шілдедегі №2 бұйрығының 2-тарауы 20-тармағының (бұдан әрі – МЖМБС) талаптарына сәйкес әзірленді.

1.3.  Комитет «Білім туралы» ҚР Заңының 43-1 бабы 4-тармағының талаптарына, Ұлттық біліктілік шеңберіне, салалық шеңберлерге және кәсіптік стандарттарға сәйкес білім беру бағдарламаларын (бұдан әрі – ББ) әзірлеуді және өзектендіруді жүзеге асырады.

1.4.  Комитет өз қызметінде Қазақстан Республикасының қолданыстағы заңнамасының нормаларын, Жарғыны, осы Ережені және Университеттің басқа да ішкі құжаттарын басшылыққа алады.

2.1.  Құзыреттілік – оқыту процесінде алған білімдерін, дағдылары мен машықтарын кәсіби қызметте практикалық қолдану қабілеті.

2.2.  Ұлттық біліктілік шеңбері (ҰБШ) – еңбек нарығында танылатын біліктілік деңгейлерінің құрылымдық сипаттамасы.

2.3.  Білім беру бағдарламасы (ББ) – оқытудың мақсаттары, нәтижелері мен мазмұнын, білім беру процесін ұйымдастыруды, оларды іске асыру тәсілдері мен әдістерін, оқыту нәтижелерін бағалаудың критерийлерін қамтитын білім берудің негізгі сипаттамаларының бірыңғай кешені.

 2.4.  Салалық біліктілік шеңбері (СБШ) – салада танылатын біліктілік деңгейлерінің құрылымдық сипаттамасы.

 2.5.  ББ паспорты – ББ-ның қысқаша сипаттамасы, оның ішінде: оқыту мен пәндердің нәтижелері, олардың ҰБШ, СБШ кәсіптік саласымен байланыстарының сипаттамасы және олар болған жағдайда кәсіптік стандарттар, сондай-ақ еңбек сыйымдылығы мен оқыту тілі туралы мәліметтер қамтылады.

 2.6.  Кәсіптік стандарт (КС) – біліктілік пен құзыреттілік деңгейіне, кәсіптік қызметтің нақты саласындағы еңбек мазмұнына, сапасына және жағдайларына қойылатын талаптарды айқындайтын стандарт.

 2.7.  ББ әзірлеу – оқыту нәтижелері мен тиісті еңбек шығындарын, оқу қызметінің түрлерін, оқыту әдістері мен бағалау критерийлерін көрсете отырып, ББ компоненттерін әзірлеу.

 2.8.  Оқыту нәтижелері (ОН) – білім алушылардың ББ игеру процесінде алған, көрсеткен білімдерінің, іскерліктерінің, дағдыларының бағалаумен расталған көлемі, сондай-ақ қалыптасқан құндылықтар мен қатынастар.

2.9.  Оқу жоспары – тиісті білім беру деңгейіндегі білім алушылардың оқу сабақтарының, оқу пәндерінің және (немесе) модульдерінің, кәсіптік практикасының, оқу қызметінің өзге де түрлерінің тізбесін, реттілігін, көлемін (еңбек сыйымдылығын) және бақылау нысанын регламенттейтін құжат.

3.1.  Комитеттің негізгі міндеттері:

• Университеттік білім берудің келешектік моделін қалыптастыру және академиялық көшбасшылықты қамтамасыз ету үшін білім беру бағдарламаларын әзірлеу және өзектендіру;
• білім беру бағдарламаларын әзірлеу мен өзектендіруде білімділік-ғылыми процесінің негізгі қатысушылары (академиялық қызметкерлер, жұмыс берушілер мен білім алушылардың) арасындағы тиімді өзара әрекеті;
• білім беру сапасын және түлектердің бәсекеге қабілеттілігін қамтамасыз ету үшін Университеттің білім беру бағдарламаларының оңтайлы санын қалыптастыру;
• білім беру бағдарламаларын дайындауды қоса алғанда, пәндердің оқу-әдістемелік кешендерінің сапасын бағалауды және Университеттің тиісті құрылымдық бөлімшелерімен өзара әрекет жасай отырып, сапаны бағалаудың, оның ішінде аккредиттеудің түрлі рәсімдеріне, білім беру бағдарламаларының сапасын бағалауға қатысу;
• білім беру бағдарламаларын дамыту басымдықтары бойынша және білім, ғылым және инновацияларды интеграциялауды қамтамасыз ету турасында ұсынымдар әзірлеу;
• бірлескен және қос дипломды білім беру бағдарламаларын әзірлеу үшін Университеттің әлеуетті серіктестерін анықтау;
• білім беру қызметін академиялық және цифрлық модернизациялау;
• білім беру бағдарламаларының іске асыруы және олардың білім алушыларға қолжетімді болуы үшін минималды білімділік-ғылыми, кадрлық, ақпараттық-кітапханалық, оқу-зертханалық және өзге де ресурстарды айқындау.

4.1. Комитет құрамына кіреді:

•  академиялық персонал – Университеттің профессор-оқытушылар құрамы;
•  жұмыс берушілер – білім алушылардың практикадан өтуін және Университет түлектерін жұмыс орындарымен қамтамасыз етушілер;
•  білім алушылар – Университеттің студенттері, магистранттары, докторанттары.

4.2. Комитеттің құрамы Басқарма Төрағасы-Ректордың бұйрығымен бекітіледі.

4.3. Қызметке тікелей басшылық жасау Комитет Төрағасына/Теңтөрағасына жүктеледі. Төраға/Теңтөраға және хатшы Комитеттің бірінші отырысында ашық дауыс беру арқылы мүшелер арасынан сайланады.

4.4. Комитеттің жұмысы, отырыста қабылданған, Комитетке кіретін факультеттердің деканымен/декандарымен келісілген, Басқарма мүшесі-академиялық мәселелер жөніндегі проректордың қолымен бекітілген жылдық жұмыс жоспарына сәйкес жүзеге асырылады. Комитеттің жылдық жұмыс жоспарын қалыптастыру Университеттің даму Бағдарламасы есепке алына отырып, жүзеге асырылады.  

4.5. Комитетке жүктелген міндеттер мен қызметтерді шешу үшін қажеттілік туған жағдайда, Комитет түрлі қызметтер шеңберінде Университеттің құрылымдық бөлімшелерімен, шеттегі ұйымдармен және мекемелермен өзара әрекет жасайды.

4.6. Комитет отырыстары жылдық жұмыс жоспарына сәйкес айына кемінде бір рет өткізіледі.

4.7. Хатшы Комитет отырыстарын ұйымдастырушылық дайындықты, күн тәртібін қалыптастыру мен келісуді, Комитет мүшелерін отырыс басталғанға дейін кемінде күнтізбелік жеті күн бұрын хабардар етуді қамтамасыз етеді.

4.8. Комитет отырысында қаралған мәселелердің нәтижелері бойынша Комитеттің ұсынымдары қатысып отырған мүшелердің көпшілік дауысымен қабылданады және хаттамамен ресімделеді. Отырыс хаттамалары мен Комитет шешімдеріне Комитеттің төрағасы/теңтөрағасы және хатшысы қол қояды. Құжаттарды сақтауды және оларды пайдалануды Комитет хатшысы қамтамасыз етеді. Хатшы ауысқан жағдайда құжаттар актілер бойынша беріледі.

4.9. Төраға/тең төраға Комитеттің қызметін басқаруды және үйлестіруді жүзеге асырады. Комитет мүшелерінің міндеттерін хаттамалық тапсырмалар негізінде осы Ережеде айқындалған Комитеттің міндеттері мен функцияларына сәйкес Төраға/тең төраға айқындайды.

4.10. Әрбір мүше Комитеттің барлық отырыстарына қатысуға, белсенді араласуға және өзіне жүктелген тапсырмаларды уақытылы орындауға тиіс.

4.11. Комитет отырысы, егер оның мүшелерінің кемінде үштен екісі қатысса, заңды деп есептеледі.

4.12. Комитет төрағасы семестр сайын бір рет факультет Ғылыми кеңесінің алдында қызмет нәтижелері туралы есеп береді.

4.13. Комитет қабылданған шешімдердің объективтілігі мен сапасы үшін жауап береді.

4.14. Комитет қызметін ұйымдастырушылықпен қамтамасыз ету Департаменттің академиялық мәселелер жөніндегі білім беру бағдарламаларын жобалау Кеңсесіне жүктеледі.

4.15. Комитет өз қызметі бойынша Басқарма Мүшесіне – академиялық мәселелер жөніндегі проректорға, академиялық мәселелер жөніндегі Департамент директорына есеп беруге міндетті.

Комитеттің құқығы бар:

5.1. Университеттің құрылымдық бөлімшелерімен өзара әрекеттесуге және Комитетке жүктелген қызметтерді орындау үшін олардан қажетті ақпарат пен құжаттарды алуға;

5.2.  Комитет қызметіне байланысты мәселелерді факультеттің Ғылыми кеңесінің қарауына шығаруға;

5.3.   Комитет қызметтерін орындау үшін оқытушы-профессорлар құрамы мен білім алушыларды тартуға;

5.4.    Комитеттің шешімдері мен ұсынымдарын факультет басшылығы орындауға міндетті.  

Комитет міндеттері:

6.1. еңбек нарығының ағымдағы және келешектегі қажеттіліктерін ескере отырып, білім беру бағдарламаларын тұрақты негізде әзірлеуге және өзектендіруге;

6.2. Университеттің қолда бар әлеуеті және қазақстандық әрі шетелдік стратегиялық әріптестермен ынтымақтастық негізінде білім беру бағдарламаларының пәнаралығын қамтамасыз етуге;

 6.3.QS WUR Халықаралық рейтингінің топ-300 құрамына кіретін шетелдік серіктес университеттермен қос дипломды және бірлескен білім беру бағдарламаларын әзірлеуге;

 6.4.анағұрлым сұранысқа ие кадрларды дайындауды қамтамасыз ететін және түлектердің кешенді құзыреттерін қалыптастыруға бағдарланатын бакалавриат, магистратура және докторантура білім беру бағдарламаларының кешенін әзірлеуге;

 6.5.МЖМБС талаптарына, Ұлттық біліктілік шеңберіне, салалық шеңберлерге және кәсіби стандарттарға сәйкес оқу жоспарларын, элективті пәндер каталогтарын, білім беру бағдарламаларының паспорттарын әзірлеуге, пәндердің оқу-әдістемелік кешендеріне сараптама жүргізуге, түзетуге;

 6.6.білім берудің барлық деңгейлерінде білім беру бағдарламаларының пәндері бойынша оқулықтар мен оқу құралдарын шығарудың тақырыптық жоспарына сәйкес пәндердің оқу әдебиеттерімен қамтамасыз етілуін сараптау негізінде, оларды шығарудың басымдылығын айқындай отырып, ұсыныстар қалыптастыруға;

 6.7.еңбек нарығының ағымдағы және келешектегі қажеттіліктерін ескере отырып, академиялық қызметкерлерді, білім алушыларды, жұмыс берушілерді білім беру бағдарламаларын әзірлеуге тартуға;

 6.8.Университеттің профессор-оқытушылар құрамымен және нақты сектор мен бизнес өкілдерімен бірлесіп оқытуға негізделген тәжірибелік-бағдарлық пәндердің енгізілуін бақылауға;

6.9.білім беру қызметін академиялық және цифрлық модернизациялауды әзірлеуге және жүзеге асыруға оның теориялық оқыту, ағымдағы, аралық, қорытынды бақылау, қорытынды аттестаттау бөлігіне;

6.10.цифрлық құзыреттілікті дамыту бағдарламалары бойынша оқытушылар мен білім алушылар үшін оқыту вебинарлары мен тренингтер өткізуге;

6.11.факультеттегі білім беру процесінің (жобалау, жоспарлау, ұйымдастыру, қамтамасыз ету) және ғылыми-зерттеушілік ортаның сапасын үш деңгей (бакалавриат, магистратура, докторантура) бойынша бағалауға және Университеттің барлық өкілетті құрылымдық бөлімшелері үшін қызметті жақсарту бойынша тиісті ұсынымдар әзірлеуге;

6.12.ББ білім алушылардың үлгерімі мониторингінің нәтижелері және олардың оқу сапасына қанағаттануы бойынша пәндерді оқыту сапасын арттыру үшін ұсыныстар әзірлеуге;

6.13.білім беру бағдарламаларын дамыту бойынша қажетті оқу-әдістемелік әзірлемелерді, материалдарды, жоспарлар мен есептерді, Академиялық кеңестің (оқу-әдістемелік, ғылыми-әдістемелік), Университеттің Ғылыми кеңесінің, Университеттің құрылымдық бөлімшелерінің жұмысы үшін ақпаратты уақытылы ұсынуға жауап беруге;

6.14.Комитет мүшелері академиялық персонал атынан осы Ережеде көзделген міндеттерді орындамағаны және/немесе тиісінше орындамағаны үшін тәртіптік жауаптылықта болады.

1. Осы Ереже Басқарма Төрағасы - Университет Ректорының бұйрығымен бекітілген күннен бастап күшіне енеді.
2. Осы Ережеге өзгерістер мен толықтырулар Басқарма Төрағасының - Университет Ректорының бұйрығымен енгізіледі.