Көркем аудармадағы стратегияларға арналған ғылыми семинар қытайтану кафедрасында өтті.

Қазіргі әдебиеттану мен аударматану саласында көркем мәтіндегі ұлттық-мәдени мағынаны дәл жеткізу маңызды зерттеу бағытының біріне айналып отыр. Осы мәселенің өзектілігін ескере отырып, 2025 жылдың 20 қарашасы күні қытайтану кафедрасының 8D02301- Аударма ісі (шығыс тілдері)  мамандығының 2 курс докторанты Гүлмира Катбаева «Көркем аударма стратегиялары» тақырыбында ғылыми семинар өткізді. Семинар барысында М. Әуезовтің «Абай жолы» романындағы ұлттық-мәдени бірліктердің өзге тілге дәл берілуі, тілдік баламаларды таңдаудағы күрделі тұстар, мәдениетаралық қарым-қатынаста туындайтын мәселелер, аудармашының қолданатын әдіс-тәсілдері және қазақ әдебиетін халықаралық аренада танытуға қатысты өзекті мәселелер талқыланды.

Семинарға белсенді қатысып, құнды ой-пікірлерімен бөліскен барлық ғалымдарға, сарапшыларға және қатысушыларға алғысымызды білдіреміз.