Қазіргі әлемдегі Эвтаназия

Әл-Фараби атындағы Қазақ ұлттық университеті, Медицина және денсаулық сақтау факультетінің Іргелі медицина кафедрасында Стоматология 1 курс студенттері арасында ерекше, әрі маңызды тақырыпта пікірталас өтті. Тұрақты даму мақсаттарының аясында ұйымдастырылған шараның тақырыбы – "Қазіргі әлемдегі Эвтаназия" болды.

Пікірталас екі топтың арасында өтті. Әр топ өздерінің ұстанымдары мен дәлелдерін ғылыми түрде ұсынды, тақырыптың өзектілігі мен этикалық мәселелерін жан-жақты қарастырды. Бұл шара студенттерге эвтаназияның медициналық, әлеуметтік және заңды аспектілерін тереңірек түсінуге мүмкіндік берді.

Қатысушылар:

• Бірінші топ: Эвтаназияның медициналық және психологиялық аспектілеріне тоқталды, оның ішінде пациенттің ерікті түрде өмірін аяқтау құқығы мен дәрігерлердің жауапкершілігі.
• Екінші топ: Эвтаназияға қарсы пікірлерін білдіріп, моральдық және әлеуметтік қағидаларды негізге алды.

Пікірталас жоғары деңгейде өтті, студенттер өздерінің көзқарастарын дәлелді түрде қорғап, өзара құрмет пен келісімде пікір алмасты. Бұл жиын студенттерге ғылыми көзқарас қалыптастыруға және күрделі мәселелерді талқылауға зор мүмкіндік берді.

Қорытындысында, осындай маңызды тақырыптарды талқылау арқылы біз студенттердің сыни ойлау дағдыларын дамытуға үлес қосамыз.

Ұйымдастырушылар: Сейталиева А.М., Ахаева Т.А., Акимниязова А.Н., Тарғынова А.Т., Ибышева Н.Т., Үрнеш Н.Ө., сондай-ақ «Стоматология» мамандығының 25-01 және 25-02 топтарының студенттері.