ТДМ 2 бойынша семинар-тренинг: «Аштықсыз қоғам және дұрыс тамақтану мәдениеті»

10 желтоқсан күні биофизика, биомедицина және нейроғылым кафедрасында ТДМ 2 аясында «Аштықсыз қоғам және дұрыс тамақтану мәдениеті» тақырыбында семинар-тренинг өткізілді. Іс-шараға 6B05109 «Нейроғылым» білім беру бағдарламасының 2 және 3 курс студенттері қатысты. Семинар-тренинг куратор-эдвайзер, аға оқытушы Жантлеуова Айша Канатовнаның жетекшілігімен ұйымдастырылды.

Семинар-тренинг барысында қазіргі қоғамдағы аштық пен азық-түлік қауіпсіздігі мәселелерінің негізгі аспектілері, сондай-ақ дұрыс тамақтану мәдениетін қалыптастырудың адамның физикалық және когнитивтік денсаулығын сақтаудағы маңызы қарастырылды. Тамақтану мен жүйке жүйесінің қызметі арасындағы өзара байланысқа, тапшылық жағдайлардың алдын алуға және сапалы әрі қолжетімді азық-түлікпен қамтамасыз етудегі тұрақты ауыл шаруашылығының рөліне ерекше назар аударылды.

Ғылыми және статистикалық деректер негізінде дұрыс тамақтанбау, азық-түлік ресурстарына тең емес қолжетімділік сияқты жаһандық және өңірлік мәселелер, сондай-ақ халықтың тамақтану сапасын жақсартудың заманауи тәсілдері талқыланды. Студенттер пікірталасқа белсенді қатысып, өз көзқарастарымен бөлісті және тамақтануға саналы көзқарасты қалыптастыруға, тұрақты тұтынуды дамытуға бағытталған тренингтік тапсырмаларды орындады.

Өткізілген семинар-тренинг студенттердің ТДМ 2 мақсаттары туралы хабардарлығын арттыруға, жеке денсаулық үшін жауапкершілікті дамытуға және болашақ қоғам үшін тұрақты азық-түлік жүйелерінің маңызын түсінуге ықпал етті.

https://drive.google.com/drive/folders/1z9v_VsCrvM4ZXWXdTwNzCPhDgDVEWW0v?usp=sharing