Хань патшалығы мен Үйсін елі арасындағы байланыстар қытайтану кафедрасында ғылыми тұрғыда талқыланды

2025 жылдың 11 желтоқсанында Әл-Фараби атындағы Қазақ ұлттық университетінің Шығыстану факультеті, Қытайтану кафедрасының «8D02209 – Шығыстану» білім беру бағдарламасы бойынша 2-курс докторанты Құрбанәлі Жазира «Хань патшалығы мен Үйсін елі арасындағы қарым-қатынас» тақырыбында ғылыми семинар өткізді.

Семинарға оқытушылар, докторанттар, магистранттар, сондай-ақ Қытай мәдениетінің тарихи дамуына қызығушылық танытқан зерттеушілер қатысты. Іс-шараның негізгі мақсаты – Хань патшалығы мен Үйсін мемлекеті арасындағы байланыстарды талдау арқылы Орталық Азияда Ұлы Жібек жолы бағыттарының қалыптасуын және оның Шығыс пен Батыс арасындағы қарым-қатынастардағы рөлін ашып көрсету болды. Сонымен қатар Хань патшалығының күшеюі мен оның Орталық Азияға экспансия жасау себептері жан-жақты қарастырылды.

Семинар барысында Хань патшалығы мен Үйсін елі арасындағы тарихи, мәдени, әскери және экономикалық байланыстар жөніндегі түрлі ғылыми көзқарастар талқыланып, мазмұнды пікір алмасу өтті. Іс-шара қорытындысы бойынша тақырыпты тереңдетіп зерттеу, сондай-ақ ғылыми жарияланым әзірлеу мақсатында қосымша кездесулер ұйымдастыру туралы шешім қабылданды.