I Халықаралық ғылыми конференция "Тұрақты болашақ: Жер және экология ғылымдарының интеграцияланған дамуы" Әзірбайжан, Баку қ. 

2025 жылғы 23–24 желтоқсанда «Тұрақты болашақ: Жер туралы ғылымдар мен экологияның интеграцияланған дамуы» атты I Халықаралық ғылыми конференция өтті. Конференцияны Баку мемлекеттік университеті, әл-Фараби атындағы Қазақ ұлттық университеті (https://farabi.university/?lang=ru), Сәтбаев университеті, Конья техникалық университеті (Түркия), Банат ветеринариялық медицина университеті (Румыния) және Геология ғылымдары университеті (Өзбекстан) бірлесіп ұйымдастырды.

Конференцияның мақсаты – «жасыл» білім беру, «жасыл» экономика, «жасыл» химия және қалдықсыз технологиялар, климаттың жаһандық өзгеруінің қоршаған ортаға әсері мен тұрақты даму, геохимия, минералогия, геодинамика, гидрогеология, сейсмология, цифрлық картографиялау, аэроғарыштық зерттеу әдістері, урбанизация, көші-қон, геоақпараттық жүйелер, агроэкологиялық мәселелер мен топырақтану салаларындағы ғылыми нәтижелерді халықаралық деңгейде талқылау, сондай-ақ инновациялық бағыттар мен жаңа басым ғылыми мәселелерді айқындау.

Конференцияға 32 шет мемлекеттен 268 баяндама жасаушы, түрлі жоғары оқу орындары мен ғылыми орталықтардың өкілдері қатысты. Конференция гибридті форматта (офлайн–онлайн) өтті.

Әл-Фараби атындағы Қазақ ұлттық университетінен (https://farabi.university/?lang=ru) конференцияға тұрақты даму жөніндегі ЮНЕСКО кафедрасының меңгерушісі Т.А. Базарбаева, сондай-ақ кафедра оқытушылары Б.Е. Шимшиков, З.А. Тукенова, Г.А. Мұқанова, Б.Х. Тусупова баяндамалармен қатысты. Сонымен қатар Т.А. Базарбаева, Г.А. Мұқанова және Б.Х. Тусупова секциялық отырыстардың модераторлары болды.

Конференцияның ғылыми бағыттары:

1. Жасыл химия, жасыл білім беру, жасыл экономика және тұрақты даму 
   
2. Климаттың өзгеруінің қоршаған ортаға әсері 
   
3. Агроэкологиялық мәселелер және жер ресурстарын ұтымды пайдалану 
   
4. Минералдар, петрология, геохимия және минералогия 
   
5. Гидрогеология, мелиорация, сейсмология және геологиялық-геофизикалық зерттеулер 
   
6. Климаттың өзгеруі, су ресурстары және ландшафттардың трансформациясы 
   
7. Геокеңістіктік деректер инфрақұрылымын құру, геоақпараттық жүйелер, урбанизация және туризм мәселелері 
   

Конференция аясында нәтижелі кездесулер мен пікір алмасулар өтіп, алдағы ғылыми ынтымақтастық бойынша келісімдерге қол жеткізілді.