ХVIII ғасырдың аяғындағы Польшаның бөлінуінен бастап мұрағат қорларының тағдыры және олардың тарихи зерттеулерге әсері (бір қаланың елтаңбасы мысалында)

2025 жылғы 17 желтоқсанда Әл-Фараби атындағы Қазақ ұлттық университетінің тарих факультетінде маңызды академиялық іс-шара өтті. №17 Тұрақты даму мақсатын — «Тұрақты даму жолындағы серіктестік» іске асыру аясында Кардинал Стефан Вышинский атындағы Университеттің (Польша) Тарих институтының профессоры, доктор хабилитус Артур Горак (Artur Górak) қонақ дәрісін өткізді.

Дәріс тақырыбы: «ХVIII ғасырдың аяғындағы Польшаның бөлінуінен бастап мұрағат қорларының тағдыры және олардың тарихи зерттеулерге әсері (бір қаланың елтаңбасы мысалында)».

Іс-шараның мақсаты мен міндеттері:

• Жаһандық серіктестік: Әл-Фараби атындағы ҚазҰУ мен Польшаның жетекші ғылыми орталықтары арасындағы көпжылдық (2018 жылдан бастап) ынтымақтастықты нығайту.

• Кәсіби даму: «Архивтану, құжаттану және құжаттамалық қамтамасыз ету» және «IT-архивтану» білім беру бағдарламаларының студенттері мен магистранттарының біліктілігін арттыру.

• Әдістемелік алмасу: Болашақ мамандарды мұрағат қорларының шашыраңқы жағдайында жұмыс істеудің еуропалық әдістерімен және микротарихи талдау тәсілдерімен таныстыру.

• Инновациялық тәсіл: Тарихи жадыны сақтаудағы цифрландырудың рөлін талқылау.

Дәріс барысында профессор Горак геосаяси өзгерістерге байланысты поляк архивтарының көші-қон процестерінің күрделі кезеңдерін егжей-тегжейлі баяндады. Польшаның кішігірім қалаларының бірінің елтаңбасының даму тарихы мысалында архивтық құжаттардың тарихи бірегейлікті қалпына келтірудегі маңыздылығы көрсетілді. Классикалық архивтану мен заманауи IT-технологиялар арасындағы пәнаралық байланыстарға ерекше назар аударылды.

#SDG #SustainableDevelopment #THEImpact #KazNU #SDG_KazNU #SustainableKazNU