ҚазҰУ докторанты ТДМ 4 аясында «Экология және цифрлық технологиялар ғылыми-зерттеу институты» ЖШС-де аудиториядан тыс дәріс өткізді

Әл-Фараби атындағы Қазақ ұлттық университеті, География және табиғатты пайдалану факультеті, Тұрақты даму бойынша ЮНЕСКО кафедрасының 1 курс докторанты Абдиракманов Мурат ТДМ 4 – «Сапалы білім» аясында «Экология және цифрлық технологиялар ғылыми-зерттеу институты» ЖШС-де аудиториядан тыс дәріс өткізді. 

Іс-шара ғылыми-білім беру саласындағы ынтымақтастықты дамытуға, мамандардың кәсіби құзыреттілігін арттыруға және экология мен цифрлық технологиялар бағытындағы заманауи тәсілдерді енгізуге бағытталды. Дәріс барысында тұрақты даму, экологиялық мониторингті цифрландыру, сондай-ақ табиғи ресурстарды талдау мен басқарудың қазіргі әдістері қарастырылды.                                           

Сонымен қатар, ғылыми зерттеулерді білім беру үдерісіне ықпалдастыру және тәжірибеге бағытталған оқытуды дамыту мәселелеріне ерекше назар аударылды. Бұл Біріккен Ұлттар Ұйымы белгілеген Тұрақты даму мақсаттарының 4-мақсатына сәйкес инклюзивті әрі сапалы білім беруді қамтамасыз етуге және өмір бойы білім алу мүмкіндіктерін кеңейтуге бағытталған.

Мұндай іс-шаралар университет пен ғылыми-зерттеу ұйымдары арасындағы байланысты нығайтып, жас ғалымдардың кәсіби даярлық деңгейін арттыруға ықпал етеді.