Студенттен кәсіби маманға дейін: Зоология кафедрасының табысты түлектерімен кездесу

12 наурыз күні сағат 12:00-де әл-Фараби атындағы Қазақ ұлттық университеті, биология және биотехнология факультетінің зоология кафедрасының Ашық есік күні аясында 3-аудиторияда (зоо) кафедраның танымал түлектерімен кездесу өтеді. Кездесу барысында түлектер өздерінің кәсіби тәжірибесімен, мансаптық жолымен бөлісіп, жас биологтар үшін ашылатын мүмкіндіктер туралы әңгімелейді. Кездесуге биология, зоология, генетика, биомедицина және биотехнология мамандықтарының 1-курс студенттері шақырылады.

Кездесу спикерлері

Кажым Джумалиев — «Ассоциация Табиғат» қауымдастығының президенті, зоолог-аңтанушы, ҚазҰУ биология факультетінің түлегі.

• Екі жоғары білімі бар: биологиялық (ҚазМУ зоология кафедрасы) және экономикалық;
• Қазақстандағы аңшылық шаруашылығын дамыту және қаржыландырумен айналысатын бірнеше компанияның негізін қалаушы әрі жетекшісі;
• Блогер, табиғатты ұтымды пайдалану идеясын насихаттаушы;
• Safari Club International халықаралық ұйымының мүшесі (2008 жылдан);
• Ресей тау аңшылары клубы ұйымының «Тау аңшылығының шебері» атағының иегері (2016);
• ҚР экология, геология және табиғи ресурстар министрлігі жанындағы Қоғамдық кеңестің мүшесі (жануарлар дүниесі және орман шаруашылығы жөніндегі комиссия).

Адам Капанов — жазушы, журналист, режиссёр, меценат, биология ғылымдарының кандидаты, ҚазҰУ биология факультетінің түлегі (1984).

• Қазақстан журналистер Одағының мүшесі;
• Қазақстан жазушылар Одағының мүшесі;
• «Адам және биосфера» халықаралық бағдарламасының Қазақстан ұлттық комитетінің мүшесі;
• Жануарлар денсаулығы, зооиндустрия және биологиялық қауіпсіздік саласымен байланысты екі ірі компанияның иесі;
• Табиғат пен жануарлар әлемі туралы ғылыми-көпшілік кітаптардың авторы: «Аспан балалары», «Жер балалары», «Құрлық иелері», «Су балалары», «Планета қожайындары», «Күн балалары», «Жаңбыр балалары».

Кездесуде сіз мыналарды білесіз:

• зоология кафедрасын тәмамдағаннан кейін мансапты қалай құруға болады;
• биологиялық білім журналистикада, бизнесте және табиғатты қорғау саласында қалай қолданылатыны;
• зоология, биология және экология салаларында жас мамандар үшін қандай мүмкіндіктер бар екендігі.

Кездесу студенттерге кәсіби бағыт-бағдар беріп, ғылым мен практиканың байланысын тереңірек түсінуге мүмкіндік береді.