Мағжан Тәшенбай, Әл-Фараби атындағы ҚазҰУ студенті:
- Электр энергиясын тасымалдаудың тиімді тәсілдерінің бірі электр энергиясын тасымалдаудың резонанстық толқындық әдісі болып табылады. Ол әдістің тиімділігі электр энергиясын тасымалдағандағы шығындарды азайту. Және де электр энергиясын сымсыз тасымалдауға мүмкіншілік бар.
Мөлдір Әбдіхан да өзінің достарымен бірге электр энергиясын үнемдеудің жолын табуды зерттеп жүр. Жас ғалымдардың үш бірдей жобасы елордасы Астана қаласында өтетін ЭКСПО-2017 халықаралық көрмесіне қойылуы мүмкін. Солардың бірі үнемді шам деп аталады.
Мөлдір Әбдіхан, Жоғарғы оқу орнына дейінгі білім беру факультетінің студенті:
- Маторға қуат беру арқылы біз білікті айналдырамыз. Ал ол білік айналу арқылы генераторға тоқ береді де екі батареяны бірінен кейін бірін қуаттап отырады. Ол батареяның бірін зарядтаған кезде екі лампаға жарық береді де, ал одан тоқ біткен кезде екінші батареяға автоматты түрде ауысады.
Асылбек Серғазин мен Асқар Сағидулданов ойлап тапқан «жел қозғалтқыштары» да экономикалық әрі экологиялық жағынан тиімді болмақ. Желден алынатын энергиямен тұтас қаланы қамтамасыз етуге болады дейді жастар. Болашақ ғалымдардың жасаған жобалары қолданысқа ену үшін байқауға қатысулары керек немесе бизнес инкубаторлардың көмегіне жүгінулері қажет дейді.
Маратбек Ғабдуллин, Ұлттық нанотехнологиялық зертхананың директоры:
- Алдын-ала қаржы бөлініп, зертханалық нұсқасын сынап көреміз. Сынақтан өтсе, қаржыландыру көздері көп. Жуырда Коммерциаландыру туралы заң қабылданды. Заңда өміршең жобаларға қаражат қарастырылған.
Жақында Технопарк студенттерінің жұмыстарымен ЭКСПО-2017 көрмесінің комиссары Рапиль Жошыбаев танысты. Ол бірнеше жобаны ерекше атап өтті. Олардың арасында жел қозғалтқышы, биогаз қондырғысы және электр энергиясын сымсыз жеткізу жұмыстары бар. Рапиль Жошыбаев қазақстандық жастардың жаңалықтары шетелдік студенттердің жобаларынан еш кем емес деген баға берді.
24.kz
