«Аурудың алдын алу – денсаулыққа апаратын алғашқы қадам»
ҚазҰУ-нің Биология және биотехнология факультетінің биоалуантүрлілік және биоресурстар кафедрасында «Дүниежүзілік денсаулық күні». ТДМ 3. «Денсаулық пен әл-ауқат» Мақсаты: қабыну ауруларының алдын-алу. ЖРВИ, ковид, тұмау және т.б. тақырыбы бойынша ғылыми семинар өткізілді!
«Дүниежүзілік денсаулық күні» — бұл жыл сайын 7 сәуірде атап өтілетін халықаралық шара, оның мақсаты — денсаулық сақтау мәселелеріне назар аударту, денсаулықты сақтау мен нығайтуға бағытталған іс-шаралар ұйымдастыру.
ТДМ 3: «Денсаулық пен әл-ауқат» – бұл Тұрақты даму мақсаттарының бірі. Оның аясында халықтың денсаулығын жақсарту, аурулардың алдын алу, әсіресе инфекциялық және қабыну ауруларын төмендету үшін түрлі шаралар қабылданады. Қабыну ауруларының алдын алу үшін келесі бағыттарды қарастыру маңызды:
1. ЖРВИ, ковид, тұмау және басқа инфекциялық аурулардан алдын алу
-
Вакцинация: ЖРВИ, тұмау, ковид сияқты инфекцияларға қарсы вакцинацияны насихаттау, халықты вакцина алуға ынталандыру.
-
Гигиеналық шаралар: Қолды жиі жуу, маска кию, адамдар көп жиналатын жерлерден аулақ болу — бұл барлық инфекциялардан қорғанудың негізгі әдістері.
-
Дұрыс тамақтану: Иммунитетті күшейтетін дұрыс тамақтану режимін сақтау, денсаулықты нығайтуға арналған дәрумендер мен минералдарды қабылдау.
-
Дене белсенділігі: Спортпен айналысу, жаяу серуендеу сияқты дене белсенділігі иммундық жүйені нығайтады.
2. Күнделікті өмірде қабыну ауруларының алдын алу
-
Стрестен арылу: Психологиялық жағдайды бақылап, күйзелісті болдырмау арқылы ағзадағы қабыну процесстерін төмендетуге болады.
-
Темекі шегуден бас тарту және алкогольді шектеу: Темекі мен алкогольдің көп қолданылуы қабыну ауруларына әкелуі мүмкін, сол себепті оларды азайту немесе толықтай бас тарту маңызды.
-
Салауатты өмір салты: Жүйелі түрде ұйықтау, дұрыс тамақтану, дене жаттығуларын жасау және көңіл-күйді жақсарту — барлығы ағзаның әл-ауқатын жақсартады.
3. Қоғамдық ақпарат беру
-
Халыққа ақпараттық кампаниялар ұйымдастыру, денсаулық сақтау саласында білім беру курстарын өткізу.
-
Денсаулық сақтау қызметкерлері арқылы халыққа тұмаудың алдын алу шараларын түсіндіру, ковид, ЖРВИ секілді аурулардың таралу қаупін төмендету.
Бұл күннің мақсаты — адамдарды денсаулық сақтау мәселелеріне жауапкершілікпен қарауға шақыру және қоғамда жалпы денсаулық мәдениетін қалыптастыру.
Тұрақты даму мақсаттарының бірі - денсаулық пен амандық мақсатында әл-Фараби атындағы Қазақ Ұлттық Университетінің биология және биотехнология факультетінің биоалуантүрлілік және биоресурстар кафедрасында ЖРВИ, жіті респираторлық инфекциялар, ковид, тұмау және т.б вирустық аурулардың алдын алу мақсатында ғылыми семинар өткізілген болатын. Ғылыми семинарға биоалуантүрлілік және биоресурстар кафедрасының «8D05108» – геоботаника мамандығының 1 курс докторанттары , магистранттары және студенттері қатысты. Тұмау, ЖРВИ, коронавирустық инфекция (COVID-19) – бүкіл әлемде жиі таралатын және адамдардың барлық жас топтарына әсер ететін жіті респираторлық вирустық инфекциялар. Уақытылы вакцинация тұмаумен сырқаттанушылықты бірнеше рет азайтады, аурудың ағымын жұмсартады, оның ұзақтығын қысқартады және асқынулардың алдын алады. Эпидемиологиялық кезеңге дейін тұмауға қарсы екпе алған дұрыс. Жедел вирустық респираторлық аурулардың бейспецификалық алдын алу шаралары аурудың қаупін айтарлықтай төмендетеді және вирустық инфекцияның таралуын болдырмайды.
Биоалуантүрлілік және биоресурстар кафедрасы
Басқа жаңалықтар
