Инклюзивті білім беруге арналған тың жоба

Инклюзивті биологиялық білім беру пәні бойын­ша «Биология» мамандығының 1-курс магистрант­тарына (ағылшын тобы) «Тірек-қимыл жүйесі және сезім мүшелері-анализаторлар» тақырыбына арналған ашық сабақ өткіздім.

Инклюзивті биологиялық бі­лім беру ерекше білімді қа­жет етеді. Өйткені ол биоло­гия­лық дамуында ерекше­лік­тері бар балалардың дені сау балалармен бірге оларды әлеуметтендіру әрі интегра­ция процестерін жеңілдету мақ­сатындағы бірлескен оқы­ту болып саналады. Мұн­дағы негізгі мақсат – бо­лашақ ма­манның бо­йында педаго­ги­калық сүйе­мел­деу қабілетін қа­лып­тастыру және инклю­зив­ті білім беру процесінде мүмкіндігі шектеулі балалар­ды оқытуға биология бойын­ша оқу-тәрбие процесін пси­хологиялық педаго­гикалық тұрғыда сүйемелдеуге да­йын­дық. Сабақ бары­сында ма­гис­транттар түрлі плат­фор­маларды (wordwall, lear­nin­gapps.org т.б.) қолдана оты­рып, өзара сезім ана­ли­заторлары бұзылған жағдаят­тарды бөліп алып, олармен жұмыс істеді. Олар сан алуан платформаларды қолдануды жетік меңгергенін көрсете білді.

Қазіргі заман талаптарына сай, инклюзивті білім жоғары оқу орындарында, оқу орта­лық­тарында, жеке ұйым­дар­да, мектеп қабырғасында заманауи технологияларды қолдануға ықпал ететін өте пайдалы жүйе. Оған қоса, инклюзивті оқыту білім алу­шы­ларға белсенді болуға, адам­дармен қарым-қаты­на­сына қажетті қабілетті да­мы­туға мүмкіндік береді. Білім алушылардың жеке талапта­ры мен мүмкіндіктерін тиімді жеңілдету үшін білімгерлердің мүмкіндіктерін ескеріп, бір-бірімен қарым-қатынасын тү­зей отырып, білім беру әдісі. Осыған орай, инклюзивті био­логиялық білім берудің бір­неше ерекшеліктерін ұсы­на­мыз:

1. Жеке талаптар мен мүм­кін­діктерге сай жоспарлау: білімгерлердің биологиялық бі­лімге қатысуына көмек көр­сету үшін жеке талаптар, жос­пармен қамтамасыз етілуі.

2. Тілдік жаттығуларды пай­далану: білімгерлердің ау­дарма бойынша тілдік жат­тығуларды қолдана білуі.

 3. Тақырыпты түсіндіруді қамтамасыз ету: тақырыпты бай­ланыстыру үшін көмек көр­сету және бірлескен жұ­мыс­ты іске асыру.

 4. Жаттығулар мен арнайы ресурстарды қолдану: жат­ты­ғулар, аудиокітаптар, мін­дет­ті ресурстардың қамта­ма­сыз етілуі.

Педагогикалық биология ма­мандығының магистрант­та­ры «Есту қабілеті шектеулі балаларға арналған инно­ва­ция­лық жеделхат-бот» жасау ар­қылы ерекше бастама кө­терді. Бұл прогрессивті жоба инклюзивті биологиялық бі­лім беруді қолдай отырып, қол­жетімділік пен оқытудың жаңа технологиясының бас­та­масы мен мүмкіндігіне жол ашады. Студенттер заманауи технология саласында өз дағ­дыларын көрсетіп қана қой­май, сонымен қатар ау­дио­қоңырауларға тап бол­ған балалар үшін қол­жетімді және қызықты ете алатын құ­рал жасауға барлық мүм­кін­діктерін салды. Бұл жоба сту­денттік бастаманың қо­ға­мымызды оңтайлы өзгеріс­тер­ге жетелейтінінің жарқын мысалы. Сөйтіп, https://t.me/Inclusi_Bot телеграмм жаңа чат ботын жасап шықтық. Мына сілтеме https://t.me/Inclusi_Bot арқылы ботқа тір­келе аласыз.

Жанар КЕНЖЕЕВА,

Биофизика, биомедицина және нейроғылым кафедрасының доценті м.а., PhD