Қоршаған ортаның өзекті мәселелері талқыланды

География және таби­ғатты пайдалану факультетінің Карто­гра­фия және геоинфор­мат­ика кафедрасының профессоры Ә.Көшім­­нің ұйымдас­тыруымен сту­денттер жұмыс бе­ру­ші мекемелердің мамандарымен кездесті.

Кездесуге Төтенше жағдай­лар министрлігі «Сейсмология институты» ЖШС техногендік сейсмикалық зертханасының жетекші ғылыми қызметкері Еркен Зейноллаұлы, «Қаз­сель­за­щита» ММ Төтенше жағ­дай­лар­дың алдын алу және қор­ғаныс құрылым­дарын пай­далану басқарма­сының бастығы Бауыржан Әбі­шев, Төтенше жағдайлар және табиғи апаттар қаупін азайту орталығы дирек­торы­ның орын­­басары Мейманбек Че­кир­баев, Төтенше жағдайлар және табиғи апаттар қаупін азайту орталығының бас са­рап­шысы Бақтияр Маратұлы, Төтенше жағдайлар және та­биғи апаттар қаупін азайту орталығының бас сарапшысы Зульфия Серікқызы келді.

Басқосуда сөз алған фа­куль­тет деканы Ә.Ақтымбаева жиынға келген мамандарға алғыс айтып, болашақта бір­лесе жұмыс істеуге, сонымен қатар студенттерге қолдау біл­діріп жұмыс тәжіри­бе­лерімен бөлісуге, университет аясында жұмыс берушілермен арада ұйымдастырылатын түрлі іс-шараларға белсенді қатысуға шақырды.

Кездесуге келген мамандар өз жұмыстарын видеороликтер арқылы таныстырып, студент­тер­ді өз мекемелерінен тәжі­ри­беден өтуге және болашақта жұмыс істеуге шақырды. Қа­зіргі таңда табиғи қауіптердің алдын алу, болжау және қауіп­тен кейінгі табиғатқа тигізген себеп-салдарымен жұмыс іс­тей­тін мамандардың тапшы­лы­ғын тілге тиек етті. Осыған байланысты кафедрада да­йын­далатын «Табиғи-тех­но­ген­дік қауіп-қатерлер» маман­ды­ғының студенттерін жақсы бі­лім алып, әрі қарай бірлесе жұмыс істеуге, түрлі жобаларға қатысуға үндеді. Өздерінің ба­ғыт­тары бойынша атқарылған жұмыстарын және қолға алған жобалары туралы барлық ақ­парат ашық түрде әлеуметтік сайтта берілетінін, мәлімет­тер­ді өздерінің сабақтарына, курс­тық және дипломдық жұ­мы­с­тарына пайдалануға бо­латынын айтып өтті.

Басқосуда елімізде болып жатқан табиғи апаттар туралы, яғни қазіргі таңда өзекті болып отырған, далалық экожүйенің жүрегі – ақбөкендер мәселесі, Алматы қаласына қауіп төнді­ре­тін жер сілкінісі, сонымен қатар сел жүруі қаупі туралы да пікірталас болды.

Ғалымдардың соңғы зерт­теу­лері бойынша, жайылымдық жер­лер шектен тыс пайда­ла­нудан ғана емес, пайда­ла­ныл­май бос жатқаннан да азып-тозады. Жан-жануарлардың тұя­ғы немесе шалғы тимеген ша­бындық-жайылымдағы та­би­ғи өсімдіктер тұқым шаша алмай, шашса да, жерге енгізе алмай, оның есесіне қажетсіз өсімдіктер өсіп шығып, жерге су сіңдірмей, топырағының құ­нар­лануына, өсімдіктер дү­ние­сінің дамуына кері әсерін ти­гі­зеді. Мұндай жерлер өртеніп кетуге де бейім тұрады. Бөкен шөпті таңдап-талғап жейді, қой сияқты түбінен үзбейді, тек жо­ғары жағынан кертіп алып қана жайылады. Көбіне әр жердегі шөпті теріп, жүре жайылады. Сондықтан өсімдіктердің өсуі тоқтамайды, керісінше, тұқы­мын шаштырып, оны үшкір, аша тұяқтарымен жерге ен­гі­зеді. Міне, осы себепті де біз ақ­бөкендердің жойылып кетуі­не немесе басқа елге қоныс ау­даруына жол бермеу керек екені айтылды. Сонымен қатар Алатаудың шыңындағы мұз­дықтар көлеміне қатысты да сөз қозғалды. Мұздықтардың еруі­нен елімізге келетін зар­дап­тар туралы түсірілген ви­део­лар көрсетілді. Алматы қа­ла­сын селден қорғау үшін жа­салған әртүрлі шаралармен студенттер жақынырақ таныс болды.

Сондай-ақ студенттер өз­де­рі таңдаған мамандықтың қан­шалықты маңызды екенін се­зініп, өздерін мазалаған сұ­рақтарына толық жауап ал­ды.

Кафедра профессоры Әси­ма Ғалымжанқызы сөз алып, кафедра бойынша жаңадан ашылған «Табиғи техногендік қауіп-қатерлер» маман­дығы­ның студенттері үшін арнайы ма­мандармен кездесу өте маңызды екенін және маман­дық­тың қажеттілігі туралы айтып өтті.

Келген қонақтарға өз тара­пы­мыздан ризашылық білдіре отырып, сыйлықтар табыс­тал­ды және естелік ретінде су­рет­ке түстік. Сонымен бірге табиғи және төтенше жағдайларды зерттеу жолында жұмыс істеп жатқан барлық мамандарға жұмыстарына жеңілдік, әр­қа­шан жұмыстарын абырой­мен атқаруларын тілеп, ыстық ле­біз­дерін білдіріп шығарып салды.

Ақтоты БЕКЖАНОВА,

Қайрат АУҒАМБАЕВ,

Картография және геоинформатика кафедрасының оқытушылары