Шет тілін үйренудегі цифрлық технологияның маңызы

Жаһанданған за­ман­да технологиялық құ­рыл­ғылар, цифрлық медиа және мобильді қосым­ша­лардың өмі­рі­міздің бір бөлігіне айналғаны айқын. Заманауи компью­терлік желінің көмегімен дүниенің төрт бұрышын­да­ғы ақпарат­қа кез келген нүктеден оңай қол жеткізуге әрі оңай бақылауға болады. Технологиялық прог­ресс біздің өмір сүру дең­гейі­міз­ді көтеріп қана қой­майды, сондай-ақ жаңа мүмкіндіктер ашады. 

Тілдерді оқыту теориясы шең­беріндегі цифрлық техно­ло­гиялар термині компью­тер­лер мен портативті элек­трон­дық құрылғыларды (планшет, смартфон және т.б.) пайдала­на­тын технологиялардың бар­лық түрлерін айғақтайды. Бұл технологиялар тіл үйретуде бі­лім алушылардың іс-әрекетін ұйым­дастырудың түрлі форма­ла­рында қолданылады. Шетел тілін оқытуда мультимедиалық және цифрлық ресурстарды атқаратын функцияларына байланысты төмендегідей бөлуге болады:

Ең көп қолданылатын он­лайн ресурстардың бірі – Podcast қолданбасы. Бұл қолданба студенттердің тілдік дағдыла­рын, әсіресе тыңдау және сөйлеу дағдыларын дамытуға үлкен үлес қосады. Podcast – пайдаланушыға радиохабар­лар­ды интернет арқылы жүк­теп алуға және оларды кез кел­ген уақытта тыңдауға мүм­кін­дік беретін цифрлық қолдан­ба. Podcast тіл үйренушілерге шынайы тіл мен нақты ма­те­риалды ұсынады, өйткені білім алушылар оқулықтарға қосым­ша ресурс ретінде подкас­тар­ды пайдалана алады.

Quizlet – күндізгі және қа­шық­тан оқытуға кроссворд жа­сауға арналған ерекше құ­рал. Флэш-карталарды жасау­ға мүмкіндік беретін, қол­да­ны­луы жеңіл веб-сервис ұс­таз­дардың ең танымал ре­сурсы. Quizlet өзіме өте тиімді, өйткені ол білім алушының қайталауға тиіс негізгі ұғымдар мен анықтамаларды ұсынады.

Kahoot – қазіргі таңда кез кел­ген пәнді оқытуда кеңінен қол­данылатын викторина ойы­ны, getkahoot.com сай­ты­на кі­ріп, викторина жасағаннан ке­йін оқушылар өз құ­рыл­ғыларынан kahoot.it сайтына берілген викторина коды ар­қылы қосылады. Онда бірнеше таңдау сұрақтары көрсетілген орталық экран қолданылады. Әр сұраққа ұпай оған қан­ша­лықты тез жауап берілгеніне және оның дұрыс болғанына байланысты беріледі.

Осындай тың, жаңа тәсілдің біріне ақпараттық оқыту жүйе­сін­дегі компьютерлік бағдар­ла­малар арқылы тіл үйретуді жатқызуға болады. Ағылшын тілі сабағын озық технология­лар­дың көмегімен оқыту бары­сында түрлі дидактикалық тап­сыр­маларды орындауға, оқу дағдыларын қалыптастыруға, заманауи оқыту құралдары плат­формаларының көмегімен білім алушылардың сөздік қорын кеңейтіп, ағылшын тілін оқуға деген қызығушылығын арттыра аламыз. Шет тіліндегі сөздерді тыңдауға, енгізген мә­тінді онлайн дыбысқа айнал­дыруға арналған көптеген мультимедиалық білім беру ре­сурс­тары бар.

Қазіргі таңда осы техноло­гия­ларды ҚазҰУ-дың оқыту­шы­сы ретінде өз студенттеріме тіл үйретуде үнемі қолданамын. Анығында, цифрлық техноло­гия­лар студенттің оқуға деген қызығу­шылық пен бәсекелес­тік­ті туғызады. Оқытушы ре­тінде алға қойған мақсатым қазіргі заманға сай ағылшын тілі пәнін оқытуда цифрлық тех­нологияларды қолдану ар­қылы білім алушылардың білік-дағдысын дамыта отырып, сауатты шешім қабылдай ала­тын қазіргі заманауи кәсіби мамандарды даярлау.

Раушан Балғабекова,

Шет тілдері кафедрасының оқытушысы