Жаңа Қазақстандағы реформаларды ілгерілетуге мен қандай үлес қоса аламын?

Қазақстан Халқы Ассамблеясының 25 сәуірде өткен *«Бірлік. Жасампаздық. Өрлеу»* атты ХХХІІІ сессиясында Президент Қасым-Жомарт Кемелұлының берген тапсырмасын іске асыру үшін *«Жаңа Қазақстандағы реформаларды ілгерілетуге мен қандай үлес қоса аламын?»* тақырыбында 13 маусым күні Журналистика факультетінің #220 Кемел Тоқаев аудиториясында өзге ұлт өкілді профессор-оқытушылардың қатысуымен дөңгелек үстел өтті. Баспасөз және электронды БАҚ кафедрасының меңгерушісі Г. СЕРІКБАЙҚЫЗЫ: Ел бірлігі – біздің баға жетпес байлығымыз, елдігіміздің тірегі де сол татулық. Отанымыз – Қазақстанды гүлдендіріп, тұрақтылық пен бейбітшілік мекеніне айналдыру бәріміздің ортақ мақсатымыз-деді. Аталмыш кафедраның доценттері мен оқытушылары О.Ложникова, Л.Нода, А.Бондарев ел бірлігі, тұрақты даму, заманалы журналистиканы өрістету туралы ойларын ортаға салды. "Бірлік бар жерде, тірлік барын" ұқтырған, тағылымды, тамаша жиын болды.