Ұлтқа қызмет етуден бастау. Студенттер арасында кітап алмасу шарасы өтті

2024 жылдың 11 қарашасында 3-курс қазақ бөлімі "Мемлекеттік және жергілікті басқару" білім беру бағдарламасының студенттері арасында ерекше іс-шара өтті. Оқытылған кітаптардың әсерін күшейту және жастар арасында білім алмасуды дамыту мақсатында студенттер өздері оқыған кітаптарымен алмасты. Іс-шараның белсенді қатысушысы топ эдвайзерінің қолынан "Ұлтқа қызмет ету" кітабын сыйлыққа алды. Бұл кітап әлемнің әртүрлі елдеріндегі мемлекет қайраткерлері мен ұлт көшбасшыларының тарихи рөлі туралы баяндайды.

Бұл іс-шара Тұрақты даму мақсаттары (ТДМ) аясында, әсіресе, ТДМ №4 «Сапалы білім беру» мен ТДМ №16 «Бейбітшілік, әділеттілік және тиімді институттар» мақсаттарына сай ұйымдастырылды. Студенттер арасындағы білім алмасу және тарихи тұлғалардың үлгісін талдау оларды еліміздің болашағына саналы түрде үлес қосуға шабыттандырады. Бұл сияқты іс-шаралар білім беру сапасын арттыруға және болашақ мемлекеттік қызметкерлердің ой-өрісін кеңейтуге ықпал етеді.