«Буддизм: дінаралық диалог контексінде» атты Калмык аймақтық жастар форумы

2024 жылғы 6 желтоқсанда философия және саясаттану факультетінің «Мәдениеттану» мамандығы бойынша 1-курс докторанты Оралқұл Әли Саинұлы Калмыкия Республикасында, Б.Б. Гордаков атындағы Калмык мемлекеттік университетінде өткен «Буддизм: дінаралық диалог контексінде» атты Калмык аймақтық жастар форумына қатысты. Оралқұл Әли Саинұлы «Буддистік әлемдегі балалық шақ» тақырыбында баяндама жасады. Форумның мақсаты — буддизмнің дінаралық диалогты қалыптастырудағы рөлі мен рухани-адамгершілік құндылықтарды сақтаудағы орны туралы талқылау. Іс-шара III Халықаралық буддизм форумы қарсаңында өтті, оның аясында буддизмнің қазіргі заман жағдайындағы әлеуетін анықтау көзделді. Форум жаңа ғылыми идеялар мен жетістіктерді таныстыру, ғылыми нәтижелерді сынақтан өткізу, сондай-ақ академиялық пікірталастар өткізу үшін панельдік дискуссиялар мен секцияларды қамтыды.