Әл-Фараби атындағы ҚазҰУ ректоры Ж.Қ.Түймебаев Президент жанындағы Ұлттық Құрылтай құрамына енді

Tengrinews агенттігінің хабарлауынша, Ұлттық құрылтай жұмысына қоғамның жаңа өкілдері енгізілді, оның ішінде әл-Фараби атындағы Қазақ ұлттық университетінің ректоры - басқарма төрағасы Жансейіт Түймебаев та бар.

Халық құрылтайы Президент жанындағы консультативтік-кеңесші орган болып табылады. Ол президент жанынан елдік мәселелер қозғалатын Ұлттық құрылтай құру жөнінде президенттің тапсырмасымен 2022 жылы құрылған болатын. Құрылтай ұлт болмысын қалыптастыратын тәуелсіздік пен отаншылдық, бірлік пен ынтымақ, әділдік пен жауапкершілік, заң мен тәртіп, еңбекқорлық пен кәсіби біліктілік, жасампаздық пен жаңашылдық секілді басты құндылықтарды айқындауға қатысады.