әл-Фараби атындағы Қазақ ұлттық университеті География және табиғатты пайдалану факультеті Тұрақты даму бойынша ЮНЕСКО кафедрасы Топырақ экологиясы зертханасына KEMEL Қалалық физика-математикалық мектебінің 8-9 сынып оқушылары экскурсия жасады

2025 жылдың 15 қаңтарында KEMEL қалалық физика-математика мектебінің 8-9 сынып оқушылары үшін экологиялық топырақ зертханасына экскурсия өтті. Бұл шара оқушылардың экология саласындағы білімдерін кеңейтіп, топырақтың экологиялық жағдайын зерттеуге мүмкіндік берді.

Зертхана қызметкерлері оқушыларға топырақтың құрамын, оның сапасын бағалау әдістерін және оның экологиялық жағдайына әсер ететін факторларды түсіндірді. Сонымен қатар, оқушылар топырақтың ластануы мен эрозиясының алдын алуға байланысты іс-шаралармен танысты. Бұл іс-шара оқушылардың табиғат алдындағы жауапкершілігін арттырып, олардың экология саласындағы ғылыми зерттеулер мен жаңа технологияларға деген қызығушылығын арттырды.

Тұрақты даму бойынша ЮНЕСКО кафедрасы Республикамыздағы оқушылардың ғылыми білімін арттыру бағытында осындай маңызды іс-шараларды жиі ұйымдастырады. Топырақ экологиясы зертханасының меңгерушісі және кафедра оқытушылары оқушылардың қызығушылығы, ынта-жігері мен белсенділігінің жоғары деңгейін жоғары бағалады. Бұл іс-шара қоршаған орта туралы ғылымға жаңа көзқарасты қалыптастыруға көмектеседі және оқушылардың ғылым мен экология саласындағы болашақ табыстарына ықпал етеді.

Тұрақты даму бойынша ЮНЕСКО кафедрасы қоршаған орта туралы ғылымның дамуына және табиғатты қорғау мәселелеріне көп көңіл бөледі. Болашақта осындай танымдық-ағартушылық іс-шаралар ұйымдастырылып, оқушылардың экологиялық мәдениетін қалыптастыру қолдауға ие болады.