2025 жылдың 28 қаңтарында Астанада Қазақстан Республикасының Президентінің төрағалығымен Үкіметтің кеңейтілген отырысы өтті

2025 жылдың 28 қаңтарында Астанада Қазақстан Республикасының Президентінің төрағалығымен Үкіметтің кеңейтілген отырысы өтті. Президенттің баяндамасында сөз болған негізгі тақырыптардың бірі - өңірлердің, қалалардың, аудандардың басшылары азаматтармен тікелей байланыста жұмыс істеуі қажеттігі болды.

Әкімдердің тікелей сайлануы мемлекеттік қызметшілердің жаңа категориясының пайда болуына әкелді - сайланбалы басқарушылар. Бұл 2,5 мыңнан астам басшы. Олардың арасында бұрын мемлекеттік қызметте жұмыс істемегендер, соның ішінде жастар саны артқан. Осыған байланысты, сайланған әкімдер мен түрлі деңгейдегі басшыларды кешенді даярлау мәселесі өзекті бола түсуде. Қазақстан Республикасының Президенті бұл маңызды міндетті шешу үшін Үкіметке Мемлекеттік қызмет істері агенттігімен бірлесіп, «Әкімдер мектебі» оқу жобасын іске қосуды тапсырды. Мұндай мектеп, біздің пікірімізше, әкімдердің теориялық және практикалық деңгейде даярлығына елеулі үлес қосып, олардың өңірлерінің даму деңгейін арттыру және азаматтардың әл-ауқатын нығайту жөніндегі жұмыс тиімділігін арттыруға қызмет етеді.

«Мемлекет және құқық теориясы мен тарихы, конституциялық және әкімшілік құқық» кафедрасының доценті, заң ғылымдарының докторы Баймаханова Д.М.