Трансшекаралық су ресурстарын пайдалану мен қорғаудың құқықтық мәселелері

2025 жылдың 20 қаңтарынан бастап Заң факультетінің профессор-оқытушылар құрамы үшін «Құқық негіздері және сыбайлас жемқорлыққа қарсы мәдениет» атты біліктілікті арттыру курсы басталды. Осы курс шеңберінде кеден, қаржы және экологиялық құқық кафедрасының доценті Қ.Ж. Қуандықовтың баяндамасымен трансшекаралық су ресурстарын пайдалану мен қорғаудың маңызды тақырыбы және де, бірқатар өзекті құқықтық мәселелер қаралды. Трансшекаралық су ресурстары халықаралық құқықта маңызды орын алады, өйткені оларды ұтымды пайдалану және қорғау бірнеше мемлекеттердің келісілген күш-жігерін қажет етеді. Су ресурстарын құқықтық реттеу, оларды қорғау және әділ бөлу мәселелері климаттың өзгеруі және суға деген қажеттіліктің артуы сияқты жаһандық сын-қатерлер жағдайында ерекше өзектілікке ие. Бұл тұрғыда тұрақты даму және экологиялық қауіпсіздікті қамтамасыз ету мәселелері, тұрақты даму мақсатының (ТДМ) №6 бөлігі болып табылатын "Барлығына Су ресурстарының қолжетімділігі мен тұрақты басқарылуын қамтамасыз ету" ерекше маңызға ие болады. Суды тиімді басқару барлық елдердің әлеуметтік, экономикалық және экологиялық әл-ауқатына тікелей әсер етеді, бұл су ресурстарын әділ бөлу мен қорғауды қамтамасыз етудің құқықтық тетіктерінің маңыздылығын көрсетеді. 

Курс әл-Фараби атындағы ҚазҰУ біліктілікті арттыру және қосымша білім беру институтының, сондай-ақ заң факультеті деканатының қолдауымен ұйымдастырылды, олар үнемі оқытушылардың біліктілігін арттыруға және оқу процесіне өзекті білімді енгізуге ықпал етеді. 

Осы курстың үйлестірушісі, профессор, заң ғылымдарының докторы А.С. Ибраеваға жоғары кәсібилігі және осы саладағы күрделі құқықтық аспектілерді жан-жақты қамтығаны үшін алғысымызды білдіреміз. Кеден, қаржы және экологиялық құқық кафедрасы Қазақстанда заң ғылымы мен құқықтық білім беруді жетілдіруге, сондай-ақ экология және құқық саласындағы орнықты даму мақсаттарын іске асыруға үлес қосуға ұмтыла отырып, оқытушылар құрамының кәсіби құзыреттерін дамыту бойынша белсенді жұмысын жалғастыруда. Бұл үдерісті кафедра меңгерушісі, заң ғылымдарының докторы, профессор Г. А. Куаналиева белсенді қолдайды, ол өзінің жоғары кәсібилігі мен көшбасшылық қасиеттерінің арқасында кафедраның білім беру және ғылыми бастамаларын табысты іске асыруда шешуші рөл атқарады.

#ТДМ # кеден құқығы #Қаржы құқығы #Экологиялық құқық # ҚазҰУ #құқық # трансшекаралық су ресурстары # біліктілікті арттыру #Экология # Халықаралық құқық #тұрақты даму