«Адамзат жетер жеріне жетті...»
31 қаңтар Исламтану магистранттары «Оптимистік трагедия» спектакліне барып, өзгеше әсер алып қайтты. Ғ.Мүсірепов атындағы балалар мен жасөспірімдер театрында өткен қойылым Всеволод Вишневскийдің пьесасына негізделген. Соғыс сынды қиын замандар батыр адамдарды туғызады дегенімізбен, оның зардабы соғыс біткеннен кейін де, әр адамға әрі жалпы қоғамға тие береді. Аталған қойылым соғыстың адамға тән рухани құндылықтарды жойып жіберетіндей жойқын күші бар екенін көрсетеді. Адамның ішкі өзегі сынған кезде барлық жамандық атаулыға есік ашылады. «Оптимистік трагедия» – залымдар мен зұлымдықты ақтайтындарға, оны насихаттайтындарға қарсы наразылықтың айқын белгісі. Магистранттар мұндай шығармалардың бізді тарихқа басқа көзқараспен қарауға, өткеннен сабақ алуға және бүгінгі қоғаммен салыстыруға мүмкіндік беретінін атап өтті.
доцент м.а. Жамашев А.Ш., филос.ғ.к. Аликбаева М.Б., докторант Елеусызбаева Н.М.
