Әл-Фараби атындағы Қазақ ұлттық университетінде заң факультетінің профессорлық-оқытушылық құрамының біліктілігін арттыру курсы өтті.

Қазақстанның жетекші жоғары оқу орны – Әл-Фараби атындағы Қазақ ұлттық университетінде 2025 жылдың 20 қаңтарынан 31 қаңтарына дейін «Құқық негіздері және сыбайлас жемқорлыққа қарсы мәдениет» тақырыбында заң факультетінің профессорлық-оқытушылық құрамына арналған біліктілікті арттыру курсы ұйымдастырылды. 2007 жылғы 27 шілдедегі «Білім туралы» Заңының 37-бабының 4-тармағына сәйкес, педагог қызметкерлердің біліктілігін арттыру әр үш жыл сайын кемінде бір рет жүргізілуі тиіс.

Курс ұйымдастырушысы – заң ғылымдарының докторы, профессор А.С. Ибраева – жоғары және жоғары оқу орнынан кейінгі білім кадрларын даярлау жөніндегі академиялық комитеттің төрағасы, 042 Құқық, 123 Қоғамдық қауіпсіздік мамандықтары бойынша. Курс көлемі – 72 сағат.

Аталған курс университет ректоры Ж.К. Түймебаевтың гранттық қолдауымен өткізілді. Әл-Фараби атындағы ҚазҰУ-да біліктілікті арттыру және қосымша білім беру институты сәтті жұмыс істейтінін атап өту қажет.

Курс бағдарламасы теориялық, практикалық және аналитикалық әдістерді қамтитын бірнеше модульден тұрады. Оқытылған мәселелер қатарында қазіргі кезеңдегі заңгерлік білімнің дамуы, құқықтың түрлі салаларындағы негізгі өзгерістер, сыбайлас жемқорлыққа қарсы мәдениетті қалыптастыру мәселелері қарастырылды. Спикерлер ретінде заң факультетінің жетекші ғалымдары мен профессорлары сөз сөйледі.

Бұл – заң ғылымдарының докторы, профессор А.С. Ибраева; заң ғылымдарының докторы, профессор Д.М. Баймаханова; заң ғылымдарының докторы, профессор Ж.А. Кегембаева; заң ғылымдарының кандидаты, профессор А.Б. Шарипова; заң ғылымдарының кандидаты, профессор Л.Т. Культемирова; заң ғылымдарының кандидаты, профессор К. Куандыков; заң ғылымдарының кандидаты, профессор Д. Рыскалиев; заң ғылымдарының кандидаты, доцент Н. Мырзатаев; PhD докторы К. Сураева.

Конституциялық, әкімшілік, қылмыстық, еңбек, азаматтық процессуалдық, қылмыстық процессуалдық, әкімшілік-процессуалдық заңнамалардағы жаңашылдықтар қарастырылды. Профессор К. Куандыковтың су ресурстарын құқықтық реттеу, су заңнамасындағы өзгерістер туралы баяндамасы ерекше қызығушылық тудырды.

Оқыту аралас форматта (оффлайн және онлайн) жүргізілді, бұл қатысу үшін ыңғайлы жағдай жасап, кең аудиторияны тартуға мүмкіндік берді. Теориялық білім мен практикалық дағдылардың үйлесімі оқытушыларға құқық саласындағы өз білімдерін тереңдетуге және жаңа тәсілдерді қолдана отырып, өзекті мәселелерді талқылауға мүмкіндік берді.

Заң факультетінің оқытушылары үшін біліктілікті арттыру оқу үдерісіне елеулі әсер етеді. Бұл – білімді жаңарту, заманауи оқыту әдістерін зерттеу және кейіннен қолдану; кәсіби дағдыларды дамыту; оқытушылардың кәсіби даму үшін мотивациясын арттыру, білім сапасын жақсарту. Осы факторлардың барлығы білім сапасын жақсартуға ықпал етеді, бұл студенттердің болашақ заңгерлер ретінде еңбек нарығында бәсекеге қабілеттілігін арттырады.

Осылайша, заң факультетінің оқытушыларының біліктілігін арттыру оқу үдерісін жақсартуға және құқық саласында жоғары білікті мамандар даярлауға ықпал ететін маңызды элемент болып табылады.

Курс аяқталғаннан кейін сертификаттар табыс етілді.

«Мемлекет және құқық теориясы мен тарихы, конституциялық және әкімшілік құқық» кафедрасы