Әл-Фараби атындағы Қазақ ұлттық университетінің философия және саясаттану факультетінде Канаданың Қазақстан Республикасындағы Төтенше және Өкілетті Елшісімен кездесу өтті

Канаданың Қазақстан Республикасындағы Төтенше және Өкілетті Елшісі Кристофер Дугган әл-Фараби атындағы Қазақ ұлттық университетінің философия және саясаттану факультетінде болды. Кездесуге саяси кеңесші Зейнаб Алиева, философия және саясаттану факультетінің деканы Мейрбаев Бекжан Берікбайұлы, саясаттану және саяси технологиялар кафедрасының меңгерушісі Насимова Гүлнар Өрленбайқызы, халықаралық ынтымақтастық бөлімінің жаһандық серіктестік кеңсесінің меңгерушісі Әшімова Айтолқын Берікқызы, деканның ғылыми-инновациялық жұмыс және халықаралық байланыстар жөніндегі орынбасары Өсербаев Елдос Нұрланұлы, сонымен қатар «Саясаттану және саяси технологиялар» кафедрасының оқытушылары, докторанттары мен магистранттары қатысты.

Тұрақты даму мақсаттарының (ТДМ) өзекті мәселелері, атап айтқанда, сапалы білім мен серіктестікке қатысты мәселелер талқыланды. Тараптар сонымен қатар университеттің жетістіктерін, ғылыми бағыттарын және ынтымақтастықтың болашақ жоспарларын, соның ішінде студенттерге арналған іс-шаралар мен дәрістер өткізуді талқыланды. Кездесу соңында Кристофер Дугган Т.Мұстафин атындағы саясаттану және саяси технологиялар кафедрасының студенттер кітапханасына (белгілі қазақстандық саясаттанушы Досым Сәтбаевтың қолдауымен ашылған) жаңа кітаптарды сыйға тартты.