«Құрбандық шалудың мәдени мағынасының эволюциясы» Тұрақты даму мақсаттарының бірі-сапалы білім бойынша

2025 жылғы 10 ақпанда әл-Фараби атындағы ҚазҰУ-дың Дінтану және мәдениеттану кафедрасының ұйымдастыруымен 314-аудиторияда «Құрбандық шалудың мәдени мағынасының эволюциясы» тақырыбында ашық сабақ өтті. Бұл сабақ «Миф, ритуал, рәміздерді антропологиялық зерттеулер» пәні аясында өтіп, оны 1-курс докторанты Оралқұл Ә.С. жүргізді.

Сабақ барысында құрбандық шалу рәсімінің әртүрлі түрлері мен категориялары, олардың антропологиялық және мәдени аспектілері жан-жақты талқыланды. Студенттер бұл рәсімдердің тарихи, әлеуметтік және діни маңызын саралап, пікір алмасты.

Интерактивті бөлімде қатысушылар Kahoot ойынын ойнап, өз білімдерін сынап көрді. Сонымен қатар, олар тақырып бойынша өз ойларын ортаға салып, қызу пікірталас жүргізді.

Ғылыми кеңесші Омирбекова А.О. және педагогикалық практика жетекшісі Аликбаева М.Б. сабақтың мазмұны мен ұйымдастырылуын жоғары бағалады. Дінтану және мәдениеттану кафедрасының ұйымдастыруымен өткен бұл ашық сабақ қатысушыларға тың ақпарат беріп, өзара сұрақ-жауап алмасуға мүмкіндік жасады.