11 ақпанда Әл-Фараби атындағы ҚазҰУ-да ғылымдағы әйелдер күніне арналған салтанатты жиын өтті.

Іс-шара барысында Қазақстанның ғылымы мен біліміне елеулі үлес қосқан көрнекті әйел-ғалымдар марапатталды. Солардың бірі – заң ғылымдарының кандидаты, қылмыстық құқық, қылмыстық процесс және криминалистика кафедрасының қауымдастырылған профессоры Әсел Бостанқызы Шәріпова.

Ғылымға қосқан үлесі үшін ол мемлекеттік марапат – «Ерен еңбегі үшін» медалімен марапатталды. Бұл медаль кәсіби қызметтегі ерекше жетістіктері, елдің дамуына қосқан зор үлесі және қоғамға адал қызметі үшін беріледі.

Бұл оқиға Қазақстандағы әйелдердің ғылым мен білім саласындағы маңызды рөлін тағы бір мәрте айқындады.