.png)
2025 жылғы 14 ақпанда Әл-Фараби атындағы Қазақ ұлттық университетінің кеден, қаржы және экологиялық құқық кафедрасында «Қоғамдағы гендерлік теңдік» тақырыбында тренинг өтті. Бұл іс-шара Біріккен Ұлттар Ұйымының Тұрақты даму мақсаттары (ТДМ) №5 аясында ұйымдастырылды. Ғылыми семинарға кафедра меңгерушісі, профессор Г.А. Қуаналиева, PhD докторы Г.К. Рашева, аға оқытушы Э.С. Қуандыкова және шақырылған қонақтар – «Human Rights Lawyers» ұйымының президенті әрі «Бір Қадам» One-Step Service орталығының үйлестірушісі Ляззат Ракишева және Қазақстан Психологтар Одағының мүшесі, тәжірибелі психолог Женисгуль Хабаева қатысты. Іс-шараға бірінші курс заң факультетінің студенттері де белсене қатысты.
Шақырылған спикерлер Ляззат Ракишева мен Женисгуль Хабаева «Бір Қадам» орталығының гендерлік теңдікті ілгерілету, тұрмыстық зорлық-зомбылықпен күресу және оның алдын алу бағытындағы жұмыстары туралы айтып берді. Сондай-ақ, олар Қазақстан Республикасының заңнамасындағы соңғы өзгерістерді түсіндіріп, нақты тәжірибелермен бөлісті. Доцент К.Ж. Қуандыков осындай кездесулердің студенттер үшін маңыздылығын атап өтіп, олардың теориялық білімді практикалық тәжірибемен ұштастыруға мүмкіндік беретінін айтты.
