Ашық сабақ: «Мемлекеттің қаржылық құрылымы және қаржылық реттеудің құқықтық негіздері»

2025 жылғы 19 ақпанда Кеден, қаржы және экологиялық құқық кафедрасының меңгерушісі, заң ғылымдарының докторы, профессор Г.А. Куаналиева 2 курс, қазақ бөлімі студенттерімен «Қаржы құқығы» пәні бойынша «Мемлекеттің қаржылық құрылымы және қаржылық реттеудің құқықтық негіздері» (семинар) тақырыбында ашық сабақ өткізді.
Профессор  Г.А. Куаналиева жүргізген ашық  сабағы жоғары ғылыми деңгейде ұйымдастырылып, студенттердің қаржылық құрылымдардың құқықтық негіздері мен олардың БҰҰ Тұрақты Даму Мақсаттарымен (ТДМ) байланысын терең түсінуіне ықпал етті.
 Сабақтың негізгі мақсаты-мемлекеттің қаржылық құрылымын қалыптастыру мен оның құқықтық реттеу механизмдерін ТДМ контексінде түсіндіру болды. Сабақ барысында БҰҰ ТДМ-нің 16-мақсаты («Тиімді, есеп беретін және инклюзивті институттарды дамыту») мен 17-мақсаты («Партнерлік арқылы мақсаттарға қол жеткізу») негізінде қаржылық жүйенің тұрақты және тиімді дамуының құқықтық аспектілері қарастырылды. Сабақ барысында студенттер Қазақстанның қаржылық жүйесінің құқықтық негіздерін зерттеп, олардың халықаралық құқықтық нормалармен үйлесімділігін талқылады.
Сабақтың ұйымдастырылуы мен әдіс-тәсілдері жоғары деңгейде болды, бұл студенттерге қаржылық құрылымдар мен олардың реттелу механизмдерін тереңірек түсінуге мүмкіндік берді. Ашық сабақта қолданылған материалдар мен әдістемелік тәсілдер студенттердің сыни тұрғыдан ойлау қабілетін дамытуға және теорияны тәжірибемен байланыстыруға бағытталды. Студенттер ТДМ-нің қаржылық жүйеге енгізілуі мен оны реформалау қажеттілігі туралы өз пікірлерін білдіріп, қаржылық реттеу жүйесінің тиімділігін арттыру жолдарын ұсынды.
Ашық сабаққа Кеден, қаржы және экологиялық құқық кафедра меңгерушісінің оқу-әдістемелік және тәрбие ісі жөніндегі орынбасары                        Э.С. Куандыкова, ғылыми-инновациялық жұмыс және халықаралық байланыстар жөніндегі орынбасары Г.К. Рашева, профессор Г.Т. Айгаринова, және аға оқытушы К.А. Бахманова қатысты.
Қорытындылай келе, Г.А. Куаналиева өткізген семинар сабақ қаржылық құқықтың теориялық және құқықтық аспектілерін тереңдетіп оқытуға, сондай-ақ студенттердің ТДМ аясында қаржылық жүйені дамыту және реформалауды ғылыми тұрғыда түсінулеріне айтарлықтай ықпал етті.