« Арзан және таза энергия көздері »
Азаматтық құқық, азаматтық іс жүргізу және еңбек құқығы кафедрасы
« Арзан және таза энергия көздері » тақырыбында Тұрақты даму мақсаттарын (ТДМ) іске асыру аясында ғылыми семинар өткізді.
Энергетика кез келген мемлекеттің дамуы үшін маңызды рөл атқарады. Алайда дәстүрлі энергия көздері (мұнай, газ, көмір) қоршаған ортаға зиян келтіреді және шектеулі ресурстар болып табылады. Осыған байланысты Тұрақты даму мақсаты 7 (ТДМ 7) – баршаға арзан, сенімді, тұрақты және заманауи энергия көздеріне қолжетімділікті қамтамасыз етуге бағытталған. Қазақстан табиғи ресурстарға бай мемлекет ретінде жаңартылатын энергетиканы дамыту мүмкіндігіне ие және таза энергия көздеріне көшуге белсенді түрде ұмтылуда.
Семинар барысында Қазақстан энергетикасының қазіргі жағдайы , жаңартылатын энергетика саласындағы мемлекеттік саясат тақырыптары қарастырылды.
Іс-шараның мақсаты – Қазақстандағы арзан және таза энергия көздерін дамыту маңыздылығын түсіндіру, энергия көздеріне көшу барысын, оның артықшылықтары мен қиындықтарын қарастыру.
СПИКЕР: Карашева Ж.Т.
Семинарда қолжетімді және таза энергияны қамтамасыз етуге бағытталған құқықтық және технологиялық құралдарды талқылау, жаңартылатын энергия көздерін дамыту жолдарын қарастыру, сондай-ақ энергия тиімділігі мен тұрақты энергетикалық саясаттың әлеуметтік маңызын зерделеу қарастырылды.
Талқыланған негізгі тақырыптар:
✅ Қолжетімді және таза энергияны дамытуға арналған құқықтық және экономикалық тетіктер
✅ Жаңартылатын энергия көздерін (күн, жел, су) тиімді пайдалану және дамыту
✅ Энергия тиімділігі және көміртегі ізін азайту шаралары
✅ Халықаралық тәжірибе және жасыл энергетикаға көшу үрдісі
Нәтижелер:
Семинар барысында қатысушылар қолжетімді және таза энергияны дамытуға бағытталған нақты ұсыныстар ұсынды. Олардың ішінде:
✔️ Жаңартылатын энергия көздерін кеңінен енгізу және инвестиция тарту жолдары
✔️ Энергия үнемдеу шараларын жүзеге асыру тетіктері
✔️ Қоғамда экологиялық жауапкершілікті арттыру және жасыл энергетика мәдениетін қалыптастыру
