"Қазақстан Республикасындағы сыбайлас жемқорлыққа қарсы заңнаманы жетілдіру мәселелері мен жолдары"тақырыбында республикалық дөңгелек үстел

2025 жылғы 19 ақпанда "Бейбітшілік, сот төрелігі және тиімді институттар" ТДМ (16) және "орнықты даму мүддесіндегі әріптестік" ТДМ (17) шеңберінде әл-Фараби атындағы Қазақ ұлттық университетінің заң факультетінде "Қазақстан Республикасындағы сыбайлас жемқорлыққа қарсы заңнаманы жетілдіру мәселелері мен жолдары" тақырыбында республикалық дөңгелек үстел өтті. Іс-шараны "Мемлекет және құқық теориясы мен тарихы, конституциялық және әкімшілік құқық"кафедрасы ұйымдастырды.

Модератор Әл-Фараби атындағы ҚазҰУ Басқарма төрағасының орынбасары, бірінші проректоры, заң ғылымдарының докторы, профессор Еркін Ерманұлы Дүйсенов болды.

Сондай-ақ қатысты:

-  Сәлімбаев Қанат Әзімбайұлы, ҚР Сыбайлас жемқорлыққа қарсы іс-қимыл Агенттігінің Алматы қаласы бойынша превенция басқармасының басшысы;

-  Шпекбаев Алик Жақамбайұлы, Қазақстан Республикасы Сыбайлас жемқорлыққа қарсы іс-қимыл агенттігінің бұрынғы төрағасы.

Дөңгелек үстелдің мақсаты сыбайлас жемқорлыққа қарсы заңнама саласындағы өзекті мәселелерді талқылау және қазіргі заманғы сын-қатерлер контекстінде оны жетілдіру жөнінде ұсыныстар әзірлеу болды.

"Мемлекет және құқық теориясы мен тарихы, конституциялық және әкімшілік құқық" кафедрасы