Әл-Фараби атындағы Қазақ ұлттық университетінің тарихы мұражайына экскурсия
2025 жылдың 20 ақпанында «7М04212 – Теңіз және энергетика құқығы» магистратурасының қос дипломдық білім беру бағдарламасы аясында білім алып жатқан Баку мемлекеттік университеті мен әл-Фараби атындағы ҚазҰУ магистранттары ҚазҰУ тарихы мұражайында болды. Экскурсия университетті оның бай тарихымен, дәстүрлерімен, жетістіктерімен және Қазақстан ғылымы мен білімінің дамуына қосқан үлесімен таныстыру мақсатында ұйымдастырылды.
Іс-шара Кеден, қаржы және экологиялық құқық кафедрасының меңгерушісі Г.А.Қуаналиева, «7М04212 – Теңіз және энергетика құқығы» мамандығы бойынша қосдипломдық білім беру бағдарламасының координаторы профессор Г.Т.Айғаринованың және эдвайзер Г.К. Рашеваның қолдауымен өтті. Экскурсияға Баку мемлекеттік университетінің магистранттары: Амирли А., Ибрахимзаде Л., Мамедова С., Мирзаева С., Таярли С., Хусейнова А., Хусейнов А., сонымен қатар әл-Фараби атындағы Қазақ ұлттық университетінің магистранттары: Қарқын М., Әбілова Д. қатысты.
Экскурсия барысында қатысушылар ҚазҰУ-дың құрылу тарихымен, оның Қазақстанның білім беру жүйесіндегі рөлімен, сондай-ақ ғылым, саясат, экономика және құқық саласының дамуына елеулі үлес қосқан көрнекті түлектер туралы білді. Мұражай қызметкерлері университет дамуының негізгі кезеңдері, оның академиялық дәстүрлері мен халықаралық жетістіктері туралы айтты.
Сондай-ақ, магистранттар әл-Фараби есімімен және университеттің дамуына байланысты тарихи құжаттар, фотосуреттер, марапаттар мен жәдігерлерден тұратын мұражай экспонаттарымен танысты. Қос диплом бағдарламасына қатысушылардың қызығушылығын тудырған ҚазҰУ-дың заманауи білім беру бағдарламалары мен халықаралық ынтымақтастығына ерекше назар аударылды.
