«Тыныштықты және әділеттілікті қамтамасыз ету» мақсатында «Валюталық реттеудің құқықтық мәселелері. Валюталық заңнамаға талдау жүргізу» тақырыбында ашық сабақ

2025 жылғы 19 ақпанда Кеден, қаржы және экологиялық құқық кафедрасының PhD докторы Э.С. Куандыкова құқықтану мамандығының 214 тобымен ТДМ-16 «Тыныштықты және әділеттілікті қамтамасыз ету» мақсатында «Валюталық реттеудің құқықтық мәселелері. Валюталық заңнамаға талдау жүргізу» тақырыбында ашық сабақ өткізді. Сабақтың мақсаты-валюталық заңнаманың құқықтық аспектілерін талқылау, Қазақстан Республикасындағы валюталық реттеу жүйесінің қазіргі жағдайы мен оның халықаралық стандарттармен үйлесімділігін түсіндіру болды.
Сабақ барысында Э.С. Куандыкова валюталық реттеу жүйесінің экономикалық және құқықтық маңызын түсіндіріп, Қазақстандағы валюталық заңнаманың соңғы өзгерістері мен халықаралық тәжірибелерге негізделген мысалдар келтірді. Сабақтың ТДМ-16 мақсатымен байланысы айқын болды, өйткені тиімді валюталық реттеу әлемдік экономикада тұрақтылық пен әділеттілікті қамтамасыз етуге мүмкіндік береді. Э.С. Куандыкова валюталық реттеу мен оның құқықтық механизмдері туралы терең ғылыми талдау жүргізді, студенттерді осы салада ғылыми зерттеулер жүргізуге ынталандырды.
Ашық сабаққа кафедра меңгерушісі, заң ғылымдарының докторы, профессор Г.А. Қуаналиева, профессор Г.Т. Айгаринова, PhD докторы Г. Рашева және аға оқытушы К.А. Бахманова қатысып, студенттердің сұрақтарына жауап беріп, валюталық реттеу мәселелері бойынша пікірлерін білдірді. Сабақ соңында студенттер валюталық заңнама мен оның құқықтық аспектілері бойынша өз ойларын ортаға салып, мәселелерді талқылады.
Бұл ашық сабақ студенттерге валюталық реттеу мен заңнаманың құқықтық негіздерін тереңірек түсінуге, Қазақстанның халықаралық қаржылық жүйедегі орнын бағалауға және осы салада ғылыми зерттеулер жүргізуге деген қызығушылықтарын арттыруға ықпал етті. Сабақ ТДМ-16 мақсатымен толық үйлесімді болды, себебі ол қаржылық әділеттілік пен экономикалық тұрақтылықты қамтамасыз ету мәселелерін қарастырды.