🗓 2025 жылғы 19 ақпанда Әл-Фараби атындағы ҚазҰУ-дың қылмыстық құқық, қылмыстық іс жүргізу және криминалистика кафедрасы «80 күн – 80 іс-шара» атты ауқымды акция аясында Ұлы Жеңістің 80 жылдығына орай «Шиндлер тізімі» (1993) атты аңызға айналған фильмнің көрсетілімін және талқылауын ұйымдастырды.

Бұл атақты фильм режиссер Стивен Спилбергтің шынайы оқиғаларға негізделген туындысы. Картина Екінші дүниежүзілік соғыс кезінде неміс кәсіпкері Оскар Шиндлердің мыңнан астам еврей халқының өкілдерін Холокосттан құтқарғаны туралы баяндайды. Фильм – соғыстың қасіреті мен адам өмірінің баға жетпес құндылығын көрсететін ең әсерлі кинематографиялық туындылардың бірі.
Фильм көрсетілімінен кейін студенттер мен оқытушылар келесі маңызды мәселелерді талқылады:
🔹 Гуманизм және жеке тұлғаның күші – соғыс жағдайында бір адамның бастамасы жүздеген адамның тағдырын қалай өзгерте алатыны.
🔹 Тарихи шынайылық пен көркемдік интерпретация – фильм шынайы оқиғаларды қаншалықты дәл көрсетеді және ол қазіргі ұрпаққа қандай әсер қалдырады.
🔹 Қазақ халқының ерлігімен үндестігі – Ұлы Отан соғысы жылдарында қазақстандықтардың көрсеткен батырлығы мен жанашырлық мысалдары.
🎞 «Шиндлер тізімі» фильмін көру – тарихтың ауыр беттерін қайта зерделеу, сонымен қатар соғыс қаһармандарына құрмет көрсету мен ұрпақтар үшін маңызды адамгершілік сабақ алу мүмкіндігі.
📌 Жаңалықтарымызды бақылап, іс-шараларымызға қосылыңыз!