ТДМ 4 "Сапалы білім" Қысқы ғылыми мектеп "Қазіргі әлемдегі адам құқықтары: жаңа сын-қатерлер" жұмысын аяқтады

Әл-Фараби атындағы Қазақ ұлттық университетінде  2025 жылдың 22 ақпанында Қысқы мектеп  жұмысын аяқтады. Қысқы мектеп 2025 жылдың 11 ақпанында ашылды. Шетелдік жоғары оқу орындарының студенттері үшін "Қазіргі әлемдегі адам құқықтары: жаңа сын-қатерлер" тақырыбында жыл сайынғы Қысқы ғылыми мектеп өткізілді.  Әр түрлі елдерден 60 студент қатысты: Қытай, Өзбекстан, Ұлыбритания, АҚШ. 

Ұйымдастырушы - мемлекет және құқық теориясы мен тарихы, конституциялық және әкімшілік құқық кафедрасы. Өткізу күні-2025 жылғы 11-22 ақпан аралығында.

Қысқы мектеп жан-жақты және әділ сапалы білім беру және өмір бойы білім алу мүмкіндігін ынталандыру мақсатында өткізілді.

Қысқы ғылыми мектепте оқу барысында адам құқықтарын қорғау, Қазақстан Республикасының азаматтығын алу, әкімшілік құқық және басқару, дербес деректерді қорғау, көші-қон құқығы, қоғамға цифрлық құқықты енгізу, жасанды интеллектті қолдану негіздері, азаматтық құқықтың кейбір мәселелері қаралды.

Қысқы мектепте сабақтарды белгілі профессорлар, жетекші ғалымдар, жоғары оқу орындарының оқытушылары өткізді.  Қысқы мектептің барлық қатысушыларына 72 сағат көлемінде бітіргені туралы сертификаттар дайындалды. Қысқы мектепте сабақтарды Әл-Фараби атындағы Қазақ ұлттық университетінің оқытушылары өткізді: заң ғылымдарының докторы, профессор Ибраева А.С.; заң ғылымдарының докторы, профессор Баймаханова Д. М.; заң ғылымдарының докторы, профессор Калишева Н. Х.; заң ғылымдарының докторы, профессор Кегембаева Ж.А.; кафедра меңгерушісі заң ғылымдарының кандидаты, доцент Усеинова К.Р.; заң ғылымдарының кандидаты, доцент Мыңбатырова Н.; заң ғылымдарының кандидаты, доцент Д. А. Тұрсынқұлова; заң ғылымдарының кандидаты, доцент Л. Т. Культемирова; докторанттар С. Б. Ахметова, Қ.Алихан. Сондай-ақ сабақтарды Л. Гумилев атындағы Еуразия ұлттық университетінің оқытушысы өткізді - PhD докторы А. А. Қасымжанова.

"Мемлекет және құқық теориясы мен тарихы, конституциялық және әкімшілік құқық" кафедрасы