Қазақстанның мәдени мұрасын танып-білу: студенттердің Орталық мемлекеттік мұражайға экскурсиясы

2025 жылғы 17 ақпанда әл-Фараби атындағы Қазақ ұлттық университетінің заң факультетінің 104-топ студенттері эдвайзер Қонысбай Б.М. жетекшілігімен Қазақстан Республикасының Орталық мемлекеттік мұражайына барды. Бұл іс-шара Тұрақты даму мақсаттарының бірі – №4 «Сапалы білім» аясында ұйымдастырылды.

Іс-шара мақсаты: Студенттердің Қазақстанның мәдени мұрасы туралы білімін тереңдету, олардың тарихи көзқарасын кеңейту және мұражайлардың білім беру үдерісіндегі маңыздылығын атап көрсету. Экскурсия барысында студенттер археологиялық олжалармен, көшпенділердің тұрмыстық бұйымдарымен, ұлттық киім үлгілерімен, музыкалық аспаптармен және Қазақстанның тәуелсіздік кезеңіне қатысты экспонаттармен танысты.

Іс-шара қорытындысы бойынша қатысушылар мұндай іс-шаралардың ел тарихы мен мәдениетін тереңірек түсінуге ықпал ететінін атап өтті. Осындай практикалық білім беру әдістері студенттерге тек теориялық білім ғана емес, сонымен қатар тарихи артефактілермен тікелей танысу арқылы құнды тәжірибе алуға мүмкіндік береді. Бұл өз кезегінде сыни ойлау қабілеті мен патриоттық сезімнің дамуына ықпал етеді.