ҚазҰУ-да Ішкі сенбілік өттіFarabi University

ҚазҰУ-да Ішкі сенбілік өтті

12 наурыз, 2025

 

2025 жылдың 12-наурызында әл-Фараби атындағы ҚазҰУ-дың Философия және саясаттану факультетінің «Дінтану және мәдениеттану» кафедрасында ішкі сенбілік ұйымдастырылды. Іс-шараны кафедра меңгерушісінің міндетін уақытша атқарушы Каупенбаева С.М. және аға оқытушы Мұқан Нұрзат ұйымдастырды.

Сенбілікке «Дінтану» мамандығының 3-курс студенттері белсенді түрде қатысып, кафедраның тазалығы мен тәртібін сақтау мақсатында бірлескен жұмыс атқарды. Шара барысында кафедрадағы шкафтар ауыстырылып, олардың ішкі бөліктері реттеліп, жалпы тазалау жұмыстары жүргізілді. Бұл тек тазалық шарасы ғана емес, ұжымдық жауапкершілікті нығайтуға, студенттердің өз оқу ортасына деген жанашырлығын арттыруға бағытталған маңызды бастама болды.

Мұндай сенбіліктер білім ордасының мәдениеті мен рухын қалыптастыруда, сондай-ақ студенттер мен оқытушылар арасындағы ынтымақтастықты нығайтуда үлкен рөл атқарады. Іс-шараға қатысушылар ортақ іске жұмылып, өз кафедраларын таза әрі жайлы етуге үлес қосты.