ҚазҰУ-да Marriott International компаниясы өкілдерімен ашық кездесу өтті

2025 жылғы 23 сәуірде әл-Фараби атындағы Қазақ ұлттық университетінің Кітапханасында халықаралық Marriott International қонақүй желісінің өкілдерімен, оның ішінде The Ritz-Carlton, Almaty қонақүйінің бас директоры Александр Селл бастаған делегациямен ашық кездесу өтті. Кездесуді Рекреациялық география және туризм кафедрасы ұйымдастырды.

Іс-шара БҰҰ-дың Тұрақты даму мақсаттары аясында, атап айтқанда сапалы білім беру мен түлектерді жұмысқа орналастыруды қолдау мақсатында ұйымдастырылды.

Кездесу бағдарламасына келесілер кірді:

• Voyager атты халықаралық тағылымдамадан өту және мансаптық өсу бағдарламасының тұсаукесері – бұл бағдарлама студенттер мен жас мамандарға әлемдік қонақжайлылық индустриясында мансап құруға мүмкіндік береді;
• Marriott International компаниясының HR бөлімінің өкілдерімен тікелей байланыс – олар компанияның кадрлық саясаты, кәсіби даму мүмкіндіктері және талаптар туралы толық ақпарат ұсынды;
• Сұрақ-жауап сессиясы, оның барысында қатысушылар тікелей сұрақтар қойып, әлемдік деңгейдегі қонақүй желісінде тағылымдамадан өту мен жұмысқа орналасу туралы жан-жақты мағлұмат алды.

Кездесуге Рекреациялық география және туризм кафедрасының студенттері мен оқытушылары белсенді қатысты. Олар үшін бұл кездесу халықаралық мансаптық мүмкіндіктермен танысуға және сала мамандарынан тікелей кеңес алуға таптырмас мүмкіндік болды.

Іс-шара ҚазҰУ-дың түлектерді еңбек нарығына тиімді бейімдеу, кәсіби байланыстар орнату және тәжірибеге бағытталған білім беру саясатын ілгерілету жолындағы маңызды қадамы болды.