Психология пәні бойынша Республикалық олимпиада
2025 жылғы 25 сәуірде «Психология» бағыты бойынша Республикалық пәндік олимпиада өтті. Бастапқы кезеңнің қорытындысы бойынша ҚазҰУ-да ұлттық деңгейге қатысу үшін 3-курс студенттерінен құралған команда іріктелді.
Олимпиаданың ұлттық кезеңі Астана қаласында Л.Н. Гумилев атындағы Еуразия ұлттық университетінде өтті. Оған Қазақстанның әртүрлі аймақтарынан және жоғары оқу орындарынан шамамен 10 команда қатысты.
Олимпиадаға әл-Фараби атындағы ҚазҰУ командасы қатысты: 3-курс студенттері – Акерке Жеңіс, Камила Ташаева, Айгерім Төлеубай. Ғылыми жетекшілері – жалпы және қолданбалы психология кафедрасының меңгеруші орынбасары, психология ғылымдарының кандидаты, профессор м.а. З.М. Садвакасова және кафедраның аға оқытушысы Ш.А. Султаналиева.
Республикалық деңгейдегі олимпиада үш турдан тұрды:
-
Келесі пәндер бойынша тестілеу: «Мамандыққа кіріспе», «Жалпы психология», «Әлеуметтік психология», «Жас ерекшелік психологиясы», «Дифференциалды психология», «Психология тарихы»;
-
Кейс-стади – жағдайды талдау, командалардың жауаптары жазбаша түрде тапсырылды;
-
Ауызша форматтағы пікірталас.
Әл-Фараби атындағы ҚазҰУ-дың 6В03107 – «Психология» білім беру бағдарламасының 3-курс студенті К.Е. Ташаева 3-орынды иеленді.
Іс-шара ТДМ 4 «Сапалы білім беру» мақсаттарын жүзеге асыруға бағытталған.
Ұйымдастырушылық жұмыстары үшін Л.Н. Гумилев атындағы ЕҰУ-ге, психология кафедрасына алғыс білдіреміз. Олимпиада жеңімпаздары мен қатысушыларын құттықтаймыз! Студенттерді дайындаған ғылыми жетекшілер мен оқытушыларға алғыс айтамыз!
Жалпы және қолданбалы психология кафедрасы
Басқа жаңалықтар
