2025 жылдың 2 маусымы мен 29 тамызы аралығында Шарджадағы Араб тілі академиясы әл-Фараби атындағы Қазақ ұлттық университетімен жасалған ынтымақтастық туралы меморандум аясында Шығыстану факультетінің студенттері үшін қосымша онлайн-сабақтар өткізуде.
🔹 Алдын ала іріктеуден өткен ең үздік он студент тіркеуден өтті және 2025 жылдың қыркүйек айының басында онлайн форматта өтетін Халықаралық араб тілі олимпиадасында — «Тілдік шешендік байқауында» университетімізді таныстыратын болады.
🎯 Дайындықтың мақсаты — араб тілінде шешен сөйлеу дағдыларын дамыту, грамматикалық және лексикалық білімді жетілдіру, сондай-ақ көпшілік алдында сенімді сөйлеу қабілетін арттыру.
🏆 Олимпиада жеңімпаздарына жүлделі орындар, Шарджа Араб тілі академиясы тарапынан ақшалай сыйақылар, және халықаралық сертификат алу мүмкіндігі ұсынылады.
👨🏫 Дайындыққа жауапты үйлестірушілер:
Dr. Wael Al-Musalema (Шарджа Араб тілі академиясы)
Ф.З. Мамедова, филология ғылымдарының кандидаты, доцент (әл-Фараби атындағы ҚазҰУ, Шығыстану факультеті)
Студенттерімізге сәттілік тілейміз! Университетімізді халықаралық деңгейде лайықты түрде танытуына сенім білдіреміз!
Басқа жаңалықтар
