«Республика күні: егеменді және құқықтық мемлекет құрудағы тарихи-құқықтық маңызы»

22 қазан – Дөңгелек үстел «Республика күні: егеменді және құқықтық мемлекет құрудағы тарихи-құқықтық маңызы»

2025 жылғы 22 қазан күні ҚР Парламентінің Сенатында «Республика күні: егеменді және құқықтық мемлекет құрудағы тарихи-құқықтық маңызы» тақырыбында дөңгелек үстел өтті. Іс-шара Ұлттық мереке – Республика күніне арналды.

Оған әл-Фараби атындағы ҚазҰУ-дың Мемлекет және құқық теориясы мен тарихы, конституциялық және әкімшілік құқық кафедрасының доценті, заң ғылымдарының кандидаты Исабеков А.К. қатысты.

📌 Дөңгелек үстел барысында:

• Исабеков А.К. «Еліміздің Мемлекеттік егемендігі туралы Декларация және оның тәуелсіз Қазақстанның қалыптасуы мен дамуындағы рөлі» тақырыбында баяндама жасады;

• қатысушылар тәуелсіздік пен құқықтық мемлекет құрудың тарихи және құқықтық аспектілері туралы маңызды пікір алмасты;

• өзекті мәселелерді талқылап, елдің демократиялық дамуы мен заң үстемдігіне қатысты ұсыныстар мен ой-пікірлер ортаға салынды.

💡 Дөңгелек үстелдің негізгі идеясы — тәуелсіздік пен құқықтық мемлекеттің басты құндылық екенін көрсету, сонымен қатар жастар мен мамандар арасында құқықтық сананы арттыру және патриоттық тәрбиені қолдау.

✨ Осындай кездесулер, талқылаулар және ғылыми пікірталастар еліміздің заңгерлік қоғамын дамытуға, студенттер мен жас мамандардың кәсіби және азаматтық тұрғыдағы өсуіне үлес қосады.

💛💙 Тәуелсіздік пен құқықтық мемлекет — біздің басты құндылығымыз!
Барлық қатысушыларға алғыс білдіреміз және осындай маңызды шараларды қолдағаны үшін ризашылығымызды жеткіземіз.

"Мемлекет және құқық теориясы мен тарихы, конституциялық және әкімшілік құқық" кафедрасы